tgoop.com/FkamhSnanee3/22520
Last Update:
ابو نديم : صدقيني يا بنتي انه بيحبش بس هذه الشيطانه الي دخلت بينكم وواحد يقدر عليها يهددها ويخليها تحرم تعيدها وتنتبه لحياتها وتبعد عنه ..
وابني خليه عليا اذا ماربيته من اول وجديد وخليته يعرف قيمتش ويندم ع اليوم الي كلمها فيه.. وانتي قدري اهلش وكلام الناس الي عيوقع عارفه ابوش بعد كم وافق..
نادين : عارررفه بس معرفش نديم يقدر كل هذا مش خايفه غير على صحة ابي وقت مايلومه الكل على موافقته ويوقع به شي بسببي ساعتها مابسامح نفسي ولا نديم عمري كله..
(( ما اسخف مجتمعنا نخاف كلام الناس اكثر من اهتمامنا بوجعنا )).
ابو نديم : وانا اول ما وصل لرقمها وساعتها حسابها معي..
نادين فتحت تلفونها وخرجت الرقم: هذا رقمها ، انا الي بيحاسبها ويهددها..
ابو نديم : هاتي الرقم..
نادين : لو سمحت ياعم خليني اكلمها بنفسي
ابو نديم هز راسه: براحتش بس اتصلي لها قدامي عشان تعرف انها مابتلعبش بالناس ع مزاجها..
في المطبخ..
يسرا : تعرفيها يامنال ؟
منال :ايوه كنا صاحبات وبعد ماشفت لبسها وجرأتها وتكلم الشباب بعدت عنها
يسرا : ونديم عارف بهذا كله !
منال : قلتله بس ماصدقني وقال لي لاتتدخلي وماعليش مني انا حر
وياويلش حد يعرف ومن وقتها ماعد تدخلت بعدها قلت هو اخبر بنفسه.
يسرا : طبعا هو قد تصايح وانطرد من البيت ومارضي له ابي يخطبها له..بعدها تعرف ع نادين وحبها وماتوقعت انه يكون بيفكر ف الاولى..
منال : ويعلم الله الان ايش القصه ، يلله تدنقرب العشا لنا ساعه بنتجابر
يسرا : دفي الاكل انتي امد ماتصل لنديم بفهم منه هو .
ف الديوان...
نادين مسكت تلفونها برجفه وانتقام واتصلت لها..
عمها وعمتها بيتفرجو لبعض بحزن و لنادين ومنتظرين الرد
نادين : الو
حبيبة زوجها (غاده ): الو..من معي
نادين بقهررر فتحت الاسبيكر : اشتي اقلش كلمتين ومنها باتعرفي من معش ،لو فاكره انش بتخربي زواجنا وتخليه يندم انه ماخذش غلطانه
انتي مزوجه ايش تشتي من زوجي؟
غاده بنبره مستفزه : زوجي للفلوس وبس وزوجش للحب واوعدش يتزوجني !
نادين حاولت تتماسك وتحول الانهيار لقوه :اتقي الله ف نفسش وف اهلش وزوجش ، معش بنات خافي ع سمعتش وسمعتهن ..قسمن بالله ان...
عمها هزر التلفون من يدها : انا ابو نديم وعارف انش ماعتخافي من تهديد البنات بس احب اقلش شاسكت لش هذه المره لان نادين سامحت زوجها و حبها لنديم اطهر من واحده مثلش ..
لكن لو تتكرر مره ثانيه وماتبعدي عن ابني ومرته لاجمع ابوش واخوتش واهلش واهل زوجش وافرجهم ع رسايلش وكلامش يامحترمه...وغلق السماعه
نادين بقهر : بس ياعم انا ماسسسامحته مش معناها انني ساكته سامحته بس مش لاقيه سبب اقل لاهلي به واتعذر
عمها حب راسها : قوا يابنتي كبري راسش وحقش تزعلي منه وافعلي ماشتيتي بس المره القويه ماتستسلمش لاتفلتي حبكم لواحده منتقمه..
نادين بكككيت ويدها بتررررجف : ياعم انتو بتطلبو مني شي صعب محد حاسسس بي..
ام نديم شافت لزوجها : خليها ع راحتها انا مره مثلها وحاسه بها ، انا شاطلعش غرفه نديم امد ترتاحي فيها وبعد مايتم الثالث افعلي ماشتيتي
نادين : ليش عاد الثالث مش لازم .. بنكمل مراسيم زفاف كذابه وخادعه ليش ! بنمشي طريق مش طريقنا ليش !
ام نديم : ياحبيبتي وزعنا الدعوات وكم قدلنا وحتى اهلش كلهم عيجو وماينفعش ماتحضريش..
نادين سكتت شويه : حاضر.
يسرا دخلت : هيا عشا..
ام نديم مسكتها من يدها : هيا قومي الله يفرج همش وهمه ويبعد عندكم كل حاسد وحاقد...
نادين قامت معاهم ، بتتفرج كلامهم ومزحهم وصلوا اخوه نديم.. بهررت شويه لما شافت واحد منهم ورجف قلبها من الخوف وكانه نسخه من نديم تذكرت وجعها الي مابتنساه.. نزلت راسها بخزا
ابو نديم : لاتستحي يانادين هولا اخوه نديم اخوتش انا ماشتيش نسوان عيالي يتغطو من بعض كلكم اخوه ونجتمع سفره واحده ناكل سوا نعيد سوا نسافر سوا
صدام : اين جا العريس !
ابو نديم حب يغالط : انت زدت حاسبت الماء الي وفيناهن امس ..
صدام : لا
ابو نديم : طيب سير ذلحين حاسب الرجال
صدام بضبح : ناهي ياباه ناكل اول ملقام
ابو نديم : سير ذلحين يابني ..
بقيه اخوه نديم اصغر من يسرا خازيين وجالسين جنب منال ويسرا وفارحين بالعروسه..
ام نديم : ليش ماتاكلي؟ايش تخوري افعلش؟
نادين قامت من فوق السفره وجلست ع الكنبه: ولا شي تسلمو شابعه.
ام نادين قامت هي وياها : بينحسش خازيه جي المكان ارتاحي.. ويسرا عتطلع لش عشا
يسرا شافت منال : طلعي العشا
منال ؛ هم قالو لش يسراا
يسرا ؛قالو منال
ابو نديم مبتسم لمحانبتهن ومن داخله وجع ع نادين وكسرة نفسها وبيقول داخل نفسه (( يعلم الله كيف كانت دلع وراااحه بيت اهلها ونديم كبدها الله يهديه ياووويل كل ظالم مابيقدر بنات الناس))
في بيته ...
BY طنافـس🎻 وروايات 🇾🇪
Share with your friend now:
tgoop.com/FkamhSnanee3/22520