tgoop.com/FkamhSnanee3/22522
Last Update:
نديم : اسكه خلونا نتحاكى انا ومرتي ونتفاهم محد له دخل.
ابوه معصب وبيصيح ب
ام نديم شافت اخوته ومنال ويسرا مستغربين وخافت يزداد الوضع سوء سحبت نديم ع جنب وقالت : لووو حسيت انها ماتشتي تحاكيك وتضايقت انززل محجور بحجر الله..
نديم مانتظر يكمل كلامها وقدو ف الدرج رد : حاااضر
نديم راح لغرفه يسرا مابش حد يشتي يدور بقيه الغرف ولمح باب غرفته مقفول حس انها فيها قرب من الباب ودق دقتين..
نادين مش عارفه من واقف ورا الباب بصوووت هااادئ وحذر : من ؟؟؟
نديم : افتحي يا نادين اشتي نتكلم انا وانتي..
نادين سمعت صوته وغمضت عيووونها وسكتت
نديم فتح الباب ولقيه مش مقفل بالمفتاح
نادين كانت جنب الباب ، شافته دخل رجعت من جنب الباب وادت له ظهرها
نديم دخل وقفل وجلس ع السرير : نااادين ممكن تسمعيني !
نادين ، مطنشششه ولا لفتت له ولا ردت
نديم : يانادين الله يحفظش مش هكذا تقفليها ف وشي خليني اعرف اتفاهم معش
نادين بتسمع صووته مش متوقعه انه بيجي يوم وتتضايق من صوت الي بتحبه وكأن كل نبره بينطقها بتحسها خنجر يطعن قلبها..
ولما سمعته قال لها : والله اني احبش انتي واخترت اتزوجش انتي هذك ماضي وانتهى وهي الي بتلاحقني وصارحتش من قبل ماخبيت عليش انا ايش ذنبي
نادين : بكككككيت، وانا ايش ذنبي اكون ضحيه تحدي بينك وبين اصحابك .. وتحاول تمسك نفسها من البكى والغصه تخنقها : ايش ذنبي اكون ضحيه انسان عايش مع ماضيه وحاضره.. اذا ماحترمت اهم وقت الي بيجمعنا مع بعض وجالس تكلمها وترد عليها وتعزمها ايش بقيت للايام الجايه ! وليششش شليتني..
نديم ماتحمل دموعها ورجفه يدها تأثر من رده فعلها مسك يدها وبكي : صدقيني كان ماضي.. وفعلا كان تحدي بس بعد ماوصلتلش حبيتش وتزوجتش وانتظرت موافقتش ، اديلي فرصه يانادين
نادين سحبت يدها ورفعت شعرها من وجهها وبتمسح دموعها : اديت لك فرصه لما صارحتني بماضيك وما احترمت الفرصه هذه استغليت اني في يدك واصبحت مرتك ..
نديم : طيب انا احبش انتي والله واشتيش لي وهذه اخر مره اوعدش اغير كل ارقامي ايش عاد تشتي
نادين ساااكته مش قادره ترد
نديم رجع وجلس فوق السرير وبعد صمت دقايق : نااادين احبششش ومستحيل اتخلى عنش بس سامحيني
نادين : حتى لو اديت لك فرصه داخلي جرح مابتقدر انت تداويه كسرت داخلي شي كبيرررر حتى عيونك الي كنت اعشق نظرتها ماعد اقدر اشوفها بنفس النظره اشوفك واحد ثاااني واحددد ..مش قااادره اوصفك !
خارج غرفتهم...
ابو نديم شاف الكل متجمع ونظراتهم كلها تساؤل وبيتشاورو : يلله كل واحد غرفته مالكم !
يسرا ومنال راحين المطبخ وعماد دخل غرفته..
ام نديم مشيت: شاطلع ابسرهم
ابو نديم : هااا جي كذا .. لاتسيريش خليهم يسدوا
ام نديم : خليني اطلع واسد بينهم
ابو نديم : لا ماعليش انتي خليهم يتفاهموا لنفسهم افضل..
نديم نزل بسرعه من الدرج وصل لباب البيت عشان يخرج
ابوه رفع صوووته :وين ساير !! جي لهنا.
مساء الخيرات وعشان احلى تفااعل بزيد لكم
نديم : الشقه
ابو نديم : مافعلت مع مرتك ؟
نديم : ولاشي
ابو نديم : من حقهااا طبعا.. كم قلتلك يانديم رحلك من هذك البنت يا ابني ماتنفع لك اخلاقها زفت
نديم بنبره حزززن : خلاص يا اباه لو سمحتو مش وقت العتاب الان.. تصبحو على خير
ابو نديم حس بندمه وزعله قرب من ابنه وطرح يده ع كتفه : وانت من اهل الخير خليها تهدء شويه ومع الوقت عتتراجع وتنسى الي حصل وانت اوقع عاقل ورجع مرتك .. نديم هز راسه وماقدر يرررد خرج
ام نديم : تعشيت ؟؟ نديم : لاتهمونيش شاكل اي شي ، بس اوبهوا لها.. وخرج وقفل الباب.. ابو نديم تنهد بزعل وراح للغرفه هو ومرته... في غرفته جالسه تبببكي وتقلب كلامه في راسها وماتخرج الا بموقف صدمتها فيه ، مش قاااادره ترجع تشوفه نفس الشخص الي كانت بتشوفه رغم حبه ف قلبها الا ان صدمتها به كانت بحجم حبها له واكثر.. ثاني يوم ف الصاله ( يوم الثالث ).. نادين شافت خواتها وامها وخالاتها واهلها وصحباتها المقربات وابتسسسمت شويه حست وكانها منهم عمررر كانت فاكره بتنسى فراقهم بلقائها بحبيب العمر ... سلمت عليهن وبيمزحين معها ويضحكين بس كانت متغيررره مهما حاولت تخفي الي داخلها الا ان في عيونها لمعه حزززن واضحه.. صاحبتها المقربه بابتسااامه وشووق تعرف تفاصيل لقاهم : ها قليلي ايش كان موقفه لما شافششش تفاجئ بجمالش ؟؟؟ نادين حست بالوجع وجت على بالها جملته لما قال لها : طلعتي حلووه غير الكلام الي قالولي ..قالولي انش مش حلوه خالص.. صاحبتها : ياااي قد عتخبي عليا او ايش انا كنت بير اسرارش كلها , مابروح الا وقد حكيتيلي
نادين امتلت عيونها دموع : رجاء يا بسمه لاتفتحي موضوع نديم خاالص انسيه لاتساليني عليه ولا شي
بسمه تبدلت ابتسامتها بملامح صددددمه : مااالش ؟ ايش في
نادين : قلتلش مش وقت
برجع واحاكيش الليل
بسمه : اي ليل ع غيري ياسعم فاضيه لي زي زمان معش زوج
BY طنافـس🎻 وروايات 🇾🇪
Share with your friend now:
tgoop.com/FkamhSnanee3/22522