tgoop.com/FkamhSnanee3/23941
Last Update:
والان بنعيد نفس الغلط وصدقني عنخسر اكثر لو نستمر والله مانتعوض
في الطابق الثاني
جميله دخلت: ايش عاد انتي تشتيه ياحقوده بيتي وشليتيه افتهني انتي وابن اخوش فيه والارض مارضيتي تسلميها وبتدوري لعيالي مشاكل وأقسام ووجع راس وبتعلمي مرت ابني عليا ماكفاش كل الي انتي فيه!!
خيريه هزت راسها لا: ماكفانيش تصدقي! لاني ماقد فعلت كل الي قلتي عليه وعاد لو فعلته صدق مايشفي غليلي منش
انتي الأنانية والحقوده قد كل شي معش شليتي اخي وورثه وجهاله وقلبتيه وخليتي الاسره كلها تقلب عليا تبهذلت بسببش ولانش مريضه تخايلش فعلت هكذا بكم
جميله: شليت اخوش! ع حلاه ولا كأن امش من كثر سيرتها وجيتها ابي غصبني ع اخوش
خيريه : بدأتي بالحفره ووقعتي انتي فيها صح خسرت اهلي بس كسبت حريتي قلت عتكبري في السن وتتغيري وانه هذك انتي قلبش ولاعمره عيتغير ..
شرحتي لعيالش سبب القطيعه ولا خازيه منهم!! موقفش محرج صح!
تشتي احاكيهم انا؟
ت.ع.خ
جميله بتتذكر لما كانين صغار في حاره واحده و الشخص الي حب جميله حبته خيريه وجميله من خوفها يخطب خيريه رسلت لهم ناس يخطبوها...
بس رفضت خيريه وصممت ع رأيها رجعت ام خيريه اعجبت بجميله وخطبتها..
خيريه لما رفضت تتزوج الشخص كان كبير في السن وهي تشتي تدرس وتكمل دراستها درست عند خالها لان ابوها خيرها بين الزواجه وتبقى بنته او تروح بيت خالها ويقاطعها هو وعياله
اختارت تكمل دراستها ..
خيريه: مالش سارحه ! بتحسبيها مثلي!!
تعادلنا صح؟
جميله: ماشي ابدا انتي الي اديتي لنفسش الي انتي فيه محد قلش تفلتي رضا اهلش لو صح اننا فعلتها قبلش ولاتنسيش انه حبني انا بس انتي كنتي تحبي اي شي في يدي اي شي يوقع لي اي حد يتقرب مني كنتي مريضه ولا زلتي فيش المرض هذا مش عارفة ماهو الي تشتيه حتى زواجه واحده ما استقريتي عليها لان عينش دايما طماعه ع كل شي تبسره
خيريه ضحكككت باستفزاز : كان ما قرح قلبش الا انا عشت حياتي بالطول والعرض
جميله: ومرتاحه !!
خيريه بتأشر ع نفسها وبيتها : مثل ما انتي شايفه له الحمد والشكر مرتاحه ومريحه غيري من العيشه في بيوت الخدم حقهم ... مستواش هبط جدا نسيتي نفسش وجلستي تربي جهال وشيبه وياريت ربيتي ساع الناس بتبسري اخرته فلس بكم وتعب وشقا اخي كله
جميله: يفدا قلبهم الزلط والبيت والورث وكل مامعنا يكفي لمتهم حولي لو تعبت ومرضت 4 اعمده ارتزح عليهم من اكبرهم لاصغرهم يكفي الضحكه الي تطلع منهم والجو الي بنعيشه مع نسوانهم ولو مشاكل ولو ايش ماكان بينستمتع حين ابسر جهالي قدهم قد كل شي بيحصل معهم..
فلوسش وبيتش والعز الي انتي فيه عينفعش!
خيريه بكيت ماقدرت تتحمل كان اليوم اكثر يوم صعب لها اسيل سألتها كثير عن الموضوع هذا وقالت لها انها حامل بتؤام وفعلا كانت بتحسد جميله ع عيال اخوها...
جميله استغربت ليش بكيت هكذا !!
اسيل كانت واقفه في الباب بتسمع صياحهن قررت تطلع خافت يرتفع ضغط عمتها ومحد عندها..
انصدمت لما طلعت وسمعت جزء من كلامهن !!
معقول في هذا السن يتكلمين ويفكرين بهذه الطريقه!
ليش الثنتين قاسيات لهذه الدرجه !!
بس سمعت عمتها
جميله: بكيتي ! ع ايش ؟ ليش عاد معش قلب يحس
اسيل رحمتها وحست نفسها مكانها لما كانت ماتخلف طلعت مسكت عمتها : عمه انزلو البيت يكفي هكذا
اذا النقاش بهذه الطريقه ماعد له فايده غير زياده مواجع واحقاد انزلو
جميله ماعد في كلام ينقال خرجت من عندهن ونزلت
اسيل مسكت يد خيريه مشتها لغرفتها : ادخلوا ارتاحوا مستحيل كلام هكذا يأثر عليكم مايحتاج اقلكم الكلام الي انا سمعته لانه مابينفعش ابدا مهما سمعنا ناس تهدينا وتنصحنا بيبقى داخلنا حاجه
بيبقى داخلنا حاجه ونقص وعجز وزياده تعلق .. لازم اترككم ترجعوا تتقبلوا الموضوع اتقبلوه واعترفوا انه فعلا فعلتو كل شي تقدرو عليه هذا شي بيد رب العالمين
خيريه زادت بكيت : الوحيده الي فهمتي وحاسه بي
اسيل بتبكي معها : لاني عشت نفس الشي جربت المعاناه هذه وكانت دهشه وصدمه خبر حملي اكثر واقوى من خبر عدم حملي
انتظرو شعور الدهشه والعطاء بعد اليأس يغيركم تماما يخلي نظرتكم لكل شي فقدتوه في الحياه رضا وقناعه تامه .
خيريه بتسمعها وتبكي
بعد ربع ساعه هدأت
خيريه: انتي متأكده عمرش ف العشرينات ! والله انش اعقل مني
اسيل: العمر مجرد رقم بس تجاربنا الي في الحياه بتكبر عقلنا وتفكيرنا..
خيريه: ليششش جيتي لجميله ماتستاهلش يعلم الله مابتفعل بش
اسيل ضحكت وبغمزه: وانتو والكل طلعتوا مش سهلين كلكم حتى فارس طلع لكم اكثر من أمه
خيريه تنهدت: تصدقي مش زعلانه ع اني انحرمت من اخوتي وعيالهم وابي
زعلانه ان سبب الزعل شي تافه وان بدايه الصلح اتفه بس القلوب القاسية هذه بتحرمنا اشياء حاليه قوي في الدنيا. .
عمري مالقيت السعاده الحقيقيه بالدول الي سافرتها والفلوس الي استلمها اتمنى ألقاها وارجع اعيش مابقي لي مثل ماشتي.
BY طنافـس🎻 وروايات 🇾🇪
Share with your friend now:
tgoop.com/FkamhSnanee3/23941