tgoop.com/Guljamol_Asqarova/7367
Create:
Last Update:
Last Update:
ҚАЧОНДИР
Қачондир дунёда дунё бўлмаган,
Дунёни яратган тилакларимиз.
Қачондир бу йўллар айро тушса ҳам,
Кўришиб турарми юракларимиз?
Дунё — тиканзор, биз гулзор истадик.
Ҳар дам ишқ аталмиш озор истадик.
Тўзиб кетмасмикан бу тиканзорда,
Сабрдан тикилган куйлакларимиз?
Эй кўзи сирларга ошино дўстим,
Эй руҳи ҳурларга ошино дўстим.
Қаранг, боғимизга баҳор келмасдан,
Хазонга тўлмишдир йўлакларимиз.
Бу қандоқ дунёдир, даврон сурмасак,
Бу қандоқ жаннатдир, кўриб тўймасак.
Наҳот бир дийдорга зор ўтадирмиз,
Сурма бўлгунича суякларимиз?
Қачондир дунёда дунё бўлмаган,
Дунёни бор қилган тилакларимиз.
Қачондир, қиёмат қойим бўлса ҳам,
Бир-бирин топгайдур юракларимиз.
2006 йил
@Guljamol_Asqarova
BY Guljamol Asqarova
Share with your friend now:
tgoop.com/Guljamol_Asqarova/7367