tgoop.com/HKgersinLeeds/658
Last Update:
有關聲援47人案默站被小粉紅騷擾事宜最新進展
我哋今日收到West Yorkshire Police (WYP)有關尋日騷擾事件嘅最新匯報，WYP 表示由於證據不足，所以將會停止調查，亦不會對該施襲者作出檢控。
列斯手足連斯對事件進展表示失望，亦由於呢件事唔再喺法律程序之中，我哋決定公開成件事嘅始未。
事緣喺尋日11月30號（星期六），我哋喺列斯市中心Briggate大街舉行聲援47人案默站。大概下午1:45左右，當義工企喺路中心舉標語同向途人解釋香港最新情況時，突然有一杯飲品喺我哋面前爆開並飛濺到義工身上，亦有濺到我哋嘅示威標語。
我哋其中一位成員目擊事件發生，知道係一位穿着深藍色外套嘅疑似中國籍男子向我哋掉嗰杯飲品，所以就即刻追出去質問該男子。呢位男子同兩位友人嘗試逃離現場，但我哋兩位成員緊追不捨。過程中男子及其友人不斷以粗言穢語辱罵我哋 (見本文底部節錄)，仲曾經嘗試分頭加速逃走。我哋一邊緊追住佢哋，一邊質問點解佢要咁做，同時我哋亦都報警求助。
男子及其友人分開逃走後，只係剩低該名掉飲品嘅男子孤獨無援，被友人拋棄嘅佢無奈下嘗試打電話向中國大使館求助。從佢對話中聽到佢求助不果，佢亦深深感受到大使館嘅無能，即使佢表示想到最近嘅大使館（離列斯最近嘅中國大使館喺34英里外嘅曼城），大使館似乎都並唔能夠向佢提供援助。其間男子親口承認向我哋掉飲品，我哋已經將所有對話拍低，但WYP認為呢段對話未有足夠證據向佢起訴。
警察隨後到場，向我哋了解事件並搜索該男子。警察隨後同我哋表示已經搵到該男子，並會作出拘捕。我哋兩位追出去嘅成員分別以電話落口供，WYP 表示會調查事件，亦要求我哋將所有證據提供畀WYP。當日事件就告一段落。
雖然WYP 明確表示唔會繼續調查同起訴，但我哋唔會就此放棄。任何破壞和平示威集會嘅人都唔應該可以逍遙法外。列斯手足連線會對呢件事追究到底！我哋亦都呼籲所有在英港人要勇敢正面對抗小粉紅，要畀佢哋知我哋無畏無懼！
男子及同伴辱罵我哋成員節錄:
「解放軍踏到你們香港的地方的時候你們就知道什麼叫中國了。」
「崇洋媚外的東西。」
「知不知道堅持一個中國原則。」
「港獨就去死呀，滾呀！」
BY 列斯手足連線 - 🔅公海頻道🔅
Share with your friend now:
tgoop.com/HKgersinLeeds/658