tgoop.com/HORROR_R/74479
Last Update:
انا
مش مهم اسمي دلوقتي هبقي اقول اسمي ف الاخر
انا شخص عندي 30 سنه
مريت بأحداث كتيرة انا عشت معظم حياتي في محافظة المنوفية في قرية ريفية جمب اشمون
انا كنت تلميذ عند شيخ اسمه وليد
انا كنت بروح مع الشيخ وليد كذا حاجة زي مثلا فك سحر او رقية شرعية او معالجة ممسوس بالقران و حاجات كتيرة زي كدة
في يوم كنا بنعالج واحده ممسوسة من الجن العاشق
(ملحوظة : الجن العاشق ده هو نوع من انواع الجن بيحب الانسان سواء بنت او ولد وده بيحصل لما بيقف قدام المرايه كتير بليل )
المهم البنت دي متجوزة بس بتمنع جوزها من انه يقربلها ده مش منها ده من الجن العاشق قعدنا انا والشيخ في اوضة الضيافة وجابوا البنت والشيخ قعد يقرأ عليها لحد ما ما مرة واحدة لقينا البنت وقفت وبصت للشيخ وعينيها شر شديد وقالت امشي من هنا احسن اموتهالك راح الشيخ قاله لا مش همشي واعلي ما في خيلك اركبه وقعد يضحك مرة واحدة لقينا البنت راحت المطبخ جابت كوباية وشربت مايه فيها وجت وقفت قدامنا وطلعت لسانها زي الاطفال وبعدين كسرت الكوباية علي دماغها مرة واحدة لقينا الدم غرق اوضة الضيافة كلها
بعدين قالي الشيخ يلا نمشي من هنا ونجيلهم بعدين وطلبنا عربية اسعاف و الاب و الام راحوا مع العربية ودعناهم ومشينا
بعد ما مشينا ابو البنت اتصل علي الشيخ وقال ان البنت الحمدلله كويسة وتمام وفل وكمان علاقتها بجوزها اتحسنت وخلاص مفيش اي مشاكل شكرا ي شيخنا بجد
الشيخ : الشكر لله وحده يا ابو محمد
ابو محمد : حبيبي والله ي شيخنا |سلام انا هقفل بقي ي شيخنا
بعديها اغلق الخط ابو محمد ودي تكون اول مهمة كنت حاضرها مع الشيخ وليد
بعد فترة الشيخ اتصل عليا الشيخ وليد وقاللي نتقابل بعد صلاة المغرب قولت لأهلي اني هروح مع الشيخ ولبست واتعشيت بدري وروحت المسجد واستنيت الشيخ وليد بعدين جه وصلي بينا امام وخلص وروحنا البيت اللي فيه المصاب المصاب هو واحد المرة دي ونفس الموضوع الجن العاشق بيقعد يضرب في مراته عشان مستوليه عليه لحد ما مراته بدأت تتجنبه خالص عشان خايفة
(ملحوظة : الجن العاشق للراجل بيكون جنية عاشقة و للست بيبقي حن عاشق بس في ناس بتختصر وتقول جن عاشق للاتنين )
من جنيته الاول الاهل فكرو ان اللي ممسوس بالجن هي الزوجة لكن الشيخ سمع من الزوجة الكلام اللي كانت بتقوله عليه وعرف انه الزوج وطلب مقابلته وفعلا قابلناه الزوج جميل في الشكل والصفات عشان كده الجنيه لبسته المهم الشيخ وليد قعد يقرأ عليه قرأن وكل شوية نسمع صوت بكاء بعدين الاوضة النور بتاعها اتحرق كلهم خرجوا يشوفوا لمبة تانية وانا و الشيخ و الزوج قاعدين في الاوضة بس مرة واحدة سمعنا صوت واحدة ست صوتها ناعم بتقول حرام عليكم هي خدت منه كتير سيبوهولي مرة واحده سمعنا صرخة جامدة تكاد تكون خلتنا غير قادرين علي السمع بعدين ابو الزوج جه وبدل اللمبه وكل حاجة تمام بس اللي مكانش متوقع حصل لقينا مكان ودن الزوج الدم طلبنا اي حاجة نكتم بيها الجرح وعشان انا عارف بعض الاسعافات الاوليه وقتها اسعفته والحمد لله الدم وقف نزول وخلصنا وابو الزوج شكر الشيخ جدا ومن ساعتها وانا اسمي المساعد الدكتور خلصنا ومشيت انا واشيخ واحنا ف طريقنا سمعنا اذان العشاء روحنا نصلي صلينا وخلصنا واحنا مروحين الترعة كان منظرها جميل
(ملحوظة: الترعة دي عندنا في مصر بنقول عليها كده اما بقي هي اصلا فرع من فروع النيل بتتحفر عشان تروي الاراضي البعيده عن نهر النيل وبتتنقل المياه بمضخات للاراضي )
وصوت الشباب وهما بيلعبوا كورة بعد ما خلصوا صلاة وراحوا عشان يلعبوا في مركز الشباب اللي عندنا اللي لسه مبني جديد
بعد شوية كنا امام بيت الشيخ بعديها الشيخ سلم عليا ودخل بيته وانا كملت مشي كانت الساعة وقتها تقريبا 11:30 وعندنا عشان معظم اللي ساكنين فلاحين ف بيناموا بعد العشاء مباشرة
BY قصص رعب . . 🐗
Share with your friend now:
tgoop.com/HORROR_R/74479