tgoop.com/Habibacalligraphy/1826
Last Update:
።።።።። የዝሙት መንገድ ።።።።
እህቴ__ሆይ! ጀነት አይገቡም ከተባሉት ውስጥ ነሽ ወይስ...???
ይህንን ፁሁፍ አንብበሽ ያለሽበትን ተመልከቺ!
አብዛኛው ቤት ረሱል(ሰለላሁ አለይሂ ወሰለም ) የተነበዩት ትንቢት እየታየ ነው አላህ ካዘነላቸው ሲቀር!
ጉርድ ቀሚስ ለብሰናል ይላሉ ከጉልበታቸው በታች እራቁታቸውን ናቸው፣
ሙሉ ቀሚስ ለብሰናል ይላሉ ነገር ግን ከመወጣጠሩ የተነሳ የሰውነታቸውን ቅርፅ ሙሉ ለሙሉ ያሳያል፣
ሲላቸውም ደረታቸውና የወገባቸው ክፍል የማይሸፍንም ይለብሳሉ፣
ሻርፕ ለብሰናል ይላሉ ነገር ግን አስሬ የምትወርድ ወይም ለሳንፕል እዩልኝ በሚል መልኩ ይለብሳሉ።
ሌላም ሌላም ጉድ የሚሳኝ አይነት ምናልባትም ሙስሊም ያልሆኑት ከሚለብሱትና ከሚያስከፈ መልኩ ለብሰው እያየን ነው።
እኔ እምልሽ እህቴ! ምን ፍለጋ ነው ቅጥ ያጣ አለባበስ የምትለብሺው?
“ደስታ” እንዳትይኝ ሸሪዐዊ አለባበሳቸውን ጠብቀው ካንቺ በተሻለ ደስታን የሚጎናፀፉት ስንትና ስንት ናቸው!!
“ውበት” እንዳትይኝ ወወላሂ ወቢላሂ ወተላሂ ውበት ያለው ስርኣት ባለው ሸሪዓዊ አለባበስ ነው፡፡
እመኚኝ ይሄ ቅጥ ያጣ አለባበስሽ አያምርብሽም!! “አይኔን ግንባር ያርገው” ካልሽ አትጠራጠሪ የውስጥሽን መታወር ነው ገሀድ ያወጣሽው፡፡
ምናልባት “ውበት እንደተመልካቹ ነው” እያልሽ እራስሽን ትሸውጂ ይሆናል፡፡
አልተሳሳትሽም! ውበት እንደተመልካቹ ስለሆነ ብልግናም ለባለጌዎች ያምራል!!
አዎን ውበት እንደተመልካቹ ስለሆነ ጋጠ ወጥነትም ለጋጠ ወጦች ያምራል፡፡
ልክ ነሽ ውበት እንደተመልካቹ ስለሆነ ርካሽነትም ለርካሾች ያምራል!!
ህሊናችን ሲገለበጥ አስተሳሰባችንም ምርጫችንም ይገለበጣል፡፡
እንዲህ የምለብሰው “የህይወት አጋር ፍለጋ” ነው እንዳትይኝ፤ በዚህ አለባበስሽ አይናቸውን የሚጥሉብሽ ያለጥርጥር ርካሽ ወንዶች ናቸው፡፡
የህይወትሽ አጋር፣ ውሃ አጣጪሽ እንዲሆን የምትፈልጊው ርካሽ ወንድ ነውን?አላሁልሙስተዓን!!
እስኪ ውስጥሽን አዳምጪው፡፡
የወረደ አለባበስ የምትለብሽው የነቁ በሚመስሉሽ፣
“ስም” ያላቸው ዘፋኞች፣ ነጮች፣ ከሃዲዎች፣
ጋጠ ወጦችን ለመመሳሰል ነው ወይስ አይደለም?
ከሆነ ነገ አላህ ፊት ያለምንም አስተርጓሚ እርቃንሽን ለምርመራ ትቆሚያለሽ!!
ያኔ ምን ይውጥሻል???
በተለይ ደግሞ ጋጠ ወጦችን ተከትለሽ ከፈፀምሺው ጉዳዩ ምን ያክል አሳፋሪ ምን ያክል አሸማቃቂ እንደሚሆን ለአፍታም ቢሆን ከዚያ አስፈሪ ቦታ ላይ እራስሽን አቁሚና ታዘቢው፡፡
ነው ወይስ አንቺ ጀነትን አትፈልጊም? ታማኙና እውነተኛው፣
ከስሜታቸው የማይናገሩት ነብይ(ሶለላሁ ዐለይሂ ወሰለም)
እንዲህ አይነት ቅጥ ያጣ አለባበስ ላይ የወደቁ ሴቶችን ጀነትን ቀርቶ ሽታዋንም አያገኙም እያሉ ነው፡፡
"ሁለት ክፍሎች የእሳት ናቸው።
እነሱንም አላየኃቸውም።
አንዶቹ የከብት ጅራት የመሰለ አለንጋ ይዘው በዚያ የአላህን ባሮች የሚገርፉ ሲሆኑ ሌሎች ደግሞ የለባሽ እርዘኛ(ለብሳ ያለበሰች)፣
ተዝንባዩች እና አዘንባዩች እራሳቸው እንደ ከሳ ግመል ሻኛ የሆኑ በፍፁም ጀነት አይገቡም፤ አረ እንዳውም ሽታውንም አያገኙም።
የጀነት ሽታ ከዚያ ወደዚያ(ከረጅም ርቀት) የሚገኝ ሆኖ ሳለ።" (ሙስሊም 2128፣ አህመድ 440/2)
እኔ እምልሽ የኔ እህት! እጣ ፈንታሽ ይሄ እንዲሆን ትፈልጊያለሽን?! ለዲንሽ ዋጋ ስጪ!!
ወንድሜ ሆይ! ባለቤትህ ወርዳና ተዋርዳ ስትወጣ ዝም ማለት ያንተ ባልነት ምኑ ጋር ነው?
አባት ሆይ! ልጅህ የአደባባይ መነጋገሪያ እስክትሆን ያንተ ሚና ምን እንደሆነ ረሰሀውን?
አንተስ ወንድሜ እህትን መቆጣጠር ምንተሳነህ?
ስህተት/ጥፋት እያየን ዝም ካልን አላህ እንዴት ነስሩን ይስጠን?
የእስካዛሬው ይብቃ! ዛሬውኑ ቤታችንን በዲን እናስዉብ!
አላህ ያግራልን!
ሀሳብ አስተያየት
👉 @abu_hafsaa
Join 👉 @halal_zewj
BY Habiba Calligraphy
Share with your friend now:
tgoop.com/Habibacalligraphy/1826