tgoop.com/Habibacalligraphy/1855
Last Update:
™ክፍል ሦስት™
👣 ያልወለደች 🕊 እናት
:
:
:...ያልወለትእናልጥሩ ስሜት አይነበብም ደግሜ ጠየኩት"ፋይሲ እእ"አልኩት አይን አይኑን በስስት እያየው "ምንም ዳኒ ትንሽ ብዥ አለብኝ ልረጋጋ ብዬ ነው ያቆምኩት"ብሎኝ ወደ እኔ ዞረ ያየሁትን ግን ማመን ተሳነኝ እሱ ሳይታወቀው እየነሰረው ነበር "ፋይሲ አ.....ፍንጣህ እ....የደሞ ነው"አልኩት እየተንተባተብኩ አንድ ቀን መኪያ የፋይሰልን ክፍል ስታፀዳ ከ አልጋ ስር ሸሚዝ አግኝታ አሳይታኝ ነበር ሸሚዙ ደረቱ አካባቢ ቀይ ቀለም ይዟል ሁለታችንም ደነገጥን ፋይሰል ሲመጣም አግባብቼ ብጠይቀውም ጥርሴ ደምቶ ነው ብሎኝ ሊያሳምነኝ ሞከረ "ፋይሲ ወይ ሀኪም ቤት እንሂድ እየደሞ እኮ ነው ደሞ ሶፍትም ጨርሰሀል እቃው ባዶ ነው" የማረገው ግራ ገብቶኝ ከአይኔ የእንባ ጅረት ቁልቁል እየተምዘገዘገ "ዳኒ ደሞ አረ አታካብጂ አሁን ይቆማል እዙ አካባቢ ሱቅ ካለ ውሀ ብቻ እንግዛ ኪኒን አለኝ" ብሎ መኪናዋን ሊያስነሳ ከተደገፈበት ቀና ሲል ይብስ ከአፍጥጫው የሚወጣው ደም በሀይል ይወርድ ጀመረ ምን እንደማረግ ግራ ገባኝ ፋይሲ በእጁ የያዘው ደም ወደ ሹራቡ መንጠባጠብ ጀመረ አንደቴን በላኝ ያለኝ አማራጭ ሂጃቤን መቅደድ ነበር ያሰርኩትን ሂዳብ እየፈታው "ፋይሲ እኔን እሺ ወንድሜ ቆይ በዚ ትይዝበታለህ" ብዬ ከመኪናው ወርጄ ሂጃቡን የምቀድበት ድንጋይ መፈለግ ጀመርኩ ደግነቱ ብዙም ሳለፋ የእግረኛ ወንገድ ላይ አንድ ድንጋይ ተመለከትኩ በድንጋዩ የሂጃብን ጫፍ ከመታሁት ብሀላ በእጄ ቀደድኩት ይህ ሁሉ ሲሆን ግን ሊያስቆመኝ አልቻለም ስሜን ለመጥራት ራሲ አቅም አጣ ወደ መኪናው ተመልሼ የቀደድኩትን ሂጃብ ሰጠሁት እና እጁ ላይ ያለውን ደም በመስኮት በኩል ወደውጪ አፈሰሰው በሂወቴ ደም እፈራለው በዛላይ የነስር ደም በዛላይ እፍኝ እፍኝ በደቂቃ የሚነስረው ሰው ማየት ይባሱን ያስፈራኝ ደሞ ወንድሜ መሆኑ ነው ከመኪናው የጎን ኪስ አንዲት ትንሽ ብልቃጥ እያወጣ "ዳኒ ውሃ አለኝኝ"እንጀቴን በላው እኛ ከቆምንበት በትንሽ እርቀት ሱቅ ይታያል ከኪሱ ብር አውጥቼ በምን ቅፅፈት ደርሼ እንደመጣው እንጃ ውሀ እና ሶፍት ይዤለት ወጣው ለካ አንዳንዴ ድንጋጤ ፈጣን ያረጋል ምነው ሁሌ እንዲ ብንሆን ብዬ ተመኘው
መዳኒቱን ሲወስድ የሚወርደው ደም እየቀነሰ ወጣ ትንሽ እንደተረጋጋ ሳይ "ወንድሜ እእ አሁንስ እየተሻለህ ነው"አይኑ ውስጥ ምላሽ አገኝ ይመስል አይን አይኑን አየዋለው "ደና ነኝ ትንሿ ግን መ
ንዳት ምችል አይመስለኝም ያለማመድኩሽ ለመቼ ነው ስለደረስን ቀይሪኝ"ብሎ በሩን ከፍቶ ወጣና ተቀያየርን የፈለገ ያለማምደኝ እንጂ ነድቼ አላቅም ግን ከፋይሲ ይበልጥ እያጣደፍኩት ከነፍን እቤት በር ላይ ቆመን ፋይሰል እጄን ይዞኝ "ዳኔ ፍቅር በአላህ እነ እማማ እንዳይሰሙ ይጨነቃሉ ደና ነኝ እኮ እሺ"ብሎ በአይኑ ተማፀነኝ ላስጨንቀው አልፈለኩም እና ተስማምተን ቤት ገባን እኔ ቀጥታ ወደሳሎን አመራው ፋይሰል ደሞ ልብስ ሊቀይር ወደ ክፍሉ ወጣ መኪያ ጊቢ ገብተን ፋይሰል ከመኪና ሲወርድ ስላየችው ደንግጣለች አይኗን እያፈጠጠች በድምፅ አልባ ቃላች በአይኗ ጠየቀችን እኔም ዝም እንድትልና የተፈጠረውን ብኃላ እኔ እንደምነግራት አስረድቻት ነው የገባነው ብዙም ሳይቆይ ፋይሰል ልብስ ቀይሮ መጣ እማማና አባባን ስሟቸው ከ እማማ አጠገብ ተቀመጠ "ስራ እንዴት ነበር"አለች እንደ ህፃን ፊቱን እያሻሸች "አልሀምዱ ሊላህ አሪፍ ነበር ያው አባባ እንዳለው ጊዜ ባይሆንም እናንተጋስ ውሎ?"አለ በስስት እያያት ሲያስቀኑ ቆይ አሁን እንዲ ሚሆኑት ማንን ለማስቀናት ነው "አራፍ ነበር የአክስታቹ ልጅ ልክ እንዳንተ ሸበላ ወንድ ዱብ አረገች ነገ ሄዳቹ ዘይሯት እሺ አበባዬ"ብላው ትክ ብላ ተመለከተችው የሌላ ጊዜ እኔ ብሆን አኩርፌ ክፍሌ ሄጄ ተኝቼ ነበር፡፡እህህ እቀናለዋ! ዛሬ ግን በሀሳብ ጭልጥ ብዬ ሄጃለው አካሌ ከአ እማማና ፋይሲ አጠገብም ቢሆን አይኔ ቢያያቸውም ልቤ ግን የቅድሙ ክስተት ላይ ነው 'ልብ ካላየ አይን ቢያይ ዋጋ የለውም' ትል ነበር አያቴ ለካ እውነቷን ነው እንደድንገት የአባባ ጥሪ ከገባሁበት የሀሳብ ሸለቆ ጎትቶ አወጣኝ ለካ አባባ ደጋግሞ ሲጠራኝ ነበር "አረ አንቺ ልጅ የት ሄድሽ"አለኝ ስስ ትራስ እየወረወረብኝ "አረ አባባ የትም እዚው ነኝ"ብዬው እማማና ፋይሰል ምን እንደሚያወሩ ማዳመጥይ ጀመርኪ እማማ ለረዥም ደቂቃ ስትመለከረው ግራ እየተጋባ "አረ እማማ ምንድነው እንዲ ምታይኝ" ብሎ ወደኔ ተመለከተ
እማማ ቀጠል አርጋ "ፀሀይ ላይ ነበር እንዴ የዋልከው"አለችው አረ አይደለም ምነው ውዷ"አላት ፋይሲና እማማ ሲያወሩ ፍቅረኛሞች እንጂ እናትና ልጅ አይመስሉም እንዳንዴማስ አባባ ሁሉ ሳይቀና አይቀርም ብዬ እጠራጠራለው ከአፉ ቀበል አርጋ "እሺ አሞሀል እንዴ? በአንድ ቀን ጠቆርክ እኮ"ብላ ትክ ብላ አየችውና "ደሞ ፂምህን ተቆረጥ"ብላ ወደኔ እያየች "ዳኒ እእ ውሎ?"አለች "አይደል አሁን ነው የታየሁሻ እማማ እንዴ ቆይ ልጅሽ እሱ ብቻ ነዋ"ብዬ አባባ አጠገብ ተቀመጥኩ ብዙም ሳንቆይ መኪያ እራት አቀራርባ ተመገብንና ወደ ክፍላችን ገባን ክፍሌ ገብቼ ስለቅድሙ ክስተት ወደኀላ ተመልሼ እያሰብኩ እንቅልፍ ቢጤ ሸለብ አረገኝ እንደ ድንገት ፋይሲ ፋይሲ ተነስ ዳኒ አባባ የሚል ድምፅ ሰማው መኩ ነበረች ሁላችንም እሮጠን ስንመጣ ፋይሰል መሬት ላይ ተዘርሯል ከአፍንጫው ደም እንደ ቧንቧ ይንቆረቆራል...
ክፍል➍ ይቀጥላል......
JOIN us 👉👉👉
www.tgoop.com/Habibacalligraphy
BY Habiba Calligraphy
![](https://photo2.tgoop.com/u/cdn4.cdn-telegram.org/file/XkbcVafgVLvLr1axxNMIGj37-8KUSmvyjqxnFBxJPIaa7rcZU3YEgmt3zqjriKLGIPoNWa9dU7UF-sQv0qeRVNCAAyiwmSf0XxJkpv75vWNqbAjIRU583LA7vUjoPFXSsKcHV6EIp4FvBxKShVj2aQL7Lek1TG-36WndgOUJsq6HbS0ySv7dN-kVhj2vcFH8IzthAbOfWAz10offB61IYokZwn877JgHLUlO2PJtXZg14Iw9FNSLEkCpv0QFm-gvhkAJFFNHCdA6a9EpG3smeaeVRCNs251nDTaE9EjRuwHrVfDAJ5-kPH17xdmQA_uezaOeV_RsKB4VRiCCLV0YZA.jpg)
Share with your friend now:
tgoop.com/Habibacalligraphy/1855