tgoop.com/Habibacalligraphy/1880
Last Update:
™ክፍል ➒(ዘጠኝ)™
👣ያልወለደች🕊እናት👣
:
:
:....እማማና እኔ አብረናት ቆምን መኩ "አልሀምዱሊላህ"አለች እኔና እማማ ተያየን የግርምት መተያየት! መኩ ምንም ሳትለን ወደ ክፍሏ አመራችና መስገጃዋን አነጥፋ በግንባሯ ተደፍታ እያለቀሰች ጌታዋን ማመስገን ተያያዘች እኔ ነገረ ስራዋ ስለገረመኝ ተከትያት ሄጄ እስክትጨርስ ጠበኳት እንደጨረሰች "መኩ"ብዬ አይኔን ፍጥጥ ቅንድቤን ሰቀል አደረኩት መኪያ እንደተገረምኩ ስላወቀች ከተቀመጠችበት ማንጣፏ እየተነሳች "ነይ ዳኒ እዚች ጋር ቁጭ በይ ሁሉንም ልንገርሽ"ብላ እየጎተተች የአልጋዋ ጠርዝ ላይ አስቀመጠችኝና መናገር ጀመረች "ዳኒ እኔ ካየሁት ጀምሮ በጣም ወድጄው ነበር ምነው ባሌ በሆነ ብዬ እስክል ድረስ ያ ልጃገረድን የሚያስንቅ አይናፋርነቱ የንግግሩ ማማር አርቆ አሳቢነቱ...አረ ዳኒ ምን ልበልሽ በቃ ያ አላት ብቻ አልሀምዱሊላህ"አለች እውነትም በጣም ተደስታለች መኪያ እኔ እስከማውቃት ድረስ አንድም ቀን እንዲ ፊቷ እያበራ ስትስቅ አይቻት አላቅም እና ተገረምኩ ቀናቶች ሳምንታትን አርግዘው እየወለዱ ወራቶች ተቆጠሩ መኪያና መሀመድ ሊጋቡ የ አንድ ወር ቆይታ ቀርቷቸዋል ዛሬ እኛ ቤት ሁሉም ተሰብስቧል አክስቴ(የሀናን እናት) ሀሩን ከነ ቤተሰቡ መኪያ ሁለት የፋይሰል ጓደኞች ሁሉም ተሰብስቧል ነገር ግን ሴትና ወንድ አብሮ አይደለም እነ አባባ ትልቁ ሳሎን እኛ ደሞ ከነ አባባ ክፍል የሚያንስ ክፍል ውስጥ ነን ስላልተቀላቀልን ሁሉም በነፃነት እያወራ ነው እኔና ሀናን አጠገብ ለአጠገብ ተቀምጠን አፍ ለአፍ ገጥመን እያወራን ነው መኩ "ዳኒ" አለች አልሰማኀትም ነበር ደጋግማ ጠራችኝ እማማ ስለሰማቻት "አንቺ እየጠራችሻ አይደል"አለችኝ ከሀናን ጋር የያዝኩትን ወሬ ትቼ ወደ መኪያ ዞሮኩ እራት እንድናቀርብ ነው መሰል ጠቀስ አረገችኝ ሀኒን መጣው ብያት ወጣው በር ላይ እንደ ደረስኩ እንደ ድንገት ሀሩን ወደ መፀዳጃ ቤት ሊሄድ ሲወጣ ተገጣጠምን "ቀጮዬ አሰላሙ አለይኩም አለኝ"እቤት መምጣቱን እንጂ አልተገናኘንም ነበር "ሀሩኔ ጀግናዬ ወአለይኩምሰላም ወራህመቱላ "ብዬው ጥቂት ደቂቃ ካወራን ብኀላ ተለያየን መዐድ ቤት ስገባ መኩ ሁሉንም ነገር አቀራርባ ጨርሳለች እጅ ሚያስቆረጥም ምግቧን ለመቅመስ ሁሉም ጓግቷል እንደጓጓ አልቀረምና ሁሉም የቀረበለትን ጥርግ አርጓ በላ ትንሽ እንደቆዩ ሁሉም በተራ በተራ እየወጡ እየተነሱ ወደ ቤታቸው ገሰገሱ እማማና አባባ ቀኑን ድክም ስላላቸው ወዲያው ወደ ክፍላቸው ገቡ ሀሩን እና ፋይሰል እንደለመዱት ቴሌቭዥን ላይ ተተክለው ይንከተከታሉ እኔና መኩ እኔ ክፍል ወጥተን ስለሰርጓ ማውራት ጀመርን መኩ በጣም ጎግታለች ነገ ከ መሀመድ ጋር ተገናኝተው ሚጨርሱትን እንዲጨራርሱ እናቴ ነግራታለች እንደ ድንገት "ፋይሲ ፋይሲ ፋይሲ በአላህ ተነስ" የሚል ድምፃ ይሰማን ጀመር ሀሩን ነበር ተሯሩጠን ወጣን እነ እማማም መጡ ፋይሰል ምንጣፉ ላይ ተዘርሯል ከአፍንጣው የጉድ ደም ይንፏፏል ሀሩን ከአንገቱ ቀና አርጓት እንደሴት ያለቅሳል እማማ ስታየው እራሷን መቆጣጠር አቅቷት መሬት ላይ ተዘረረች "በእንቅርት ላይ ጆሮ ደግፋ"ይሉሀል ይሄ ነው ማናችን ከማን እንሁን እኔማስ ደርቄ ቀረው እዛው አንድ ቦታ ላይ እንደቆምኩ አይኔ ብቻ እያየ ፋይሰልን ይዘውት ወጡ ሁሉም ተደናግጦል ፋይሲን ይዘውት ሲመጡ የመጨረሻዬ መሰለኝ ዳግም ሲስቅ ላላየው እንደሆነ ተሰማኝ ዳግም በነገር እየተጎሻሸምን የማንጨቃጨቅ መሰለኝ ተስፋዬ ጨለመ እማማን እኔደምንም መኪያ እንድትነቃ ካረገቻት ብኃላ ተያይዘን ወደ ሆስፒታል አመራን ፋይሲ ድንገተኛ ክፍል ነው ነገረሶች ዶክተሮች ታካሚን ለመታደግ ይሯሯጣሉ 'የት ነኝ' አልኩ ለራሴ አይኔ ይይ እንጂ በደመነፍስ ነበር ምጎዘው ነገሮችን መደኀላ መለስ ብዬ አሰቡኩ ከግራ በኩል መኪያና እማማ የ ድንገተኛ በር መግቢያ ላይ ደሞ ሀሩንና አባባ ብቻ ሁሉም ውጥረት ላይ ነው እማማ ጭራሽ አቅሏን(አይምሮዋን) ስታለች ምታረገው ነገር ሁሉ በእምነት የመከልከለለ ሳያንስ በሳይንሱም አይመከርም ሆስፒታሉ ውስጥ ያለው ሰው በሙሉ እማማን እያየ ያለቅሳል ግማሹ ከንፈሩን ይመጣል አሁን እስኪ በንደዚ አይነት ጊዜ ከንፈር ይመጠጣል ሆሆ ሆስፒታል ከመጣን ሁለት ሰአት ሞላን ግን ምንም ነገር የለም እንደ ድንገት አንድ ነርስ ከድንገተኛ ክፍል ስትወጣ አንድ ዶክተር አየች "ዶክተር ስንፈልግህ አንድ ታካሚ ደክሞል እርዳን... "ብላ ሳይጨርስ ወደ ድንገተኛ ክፍሉ በፍጥነት ገባ ነርሶች ወደክፍሉ ወሯሯጥ ጀመር እንደ ድንገት አንድ ነርስ እያለቀሰች ወጣች ጥበቃው ሲጠይቃት "አሁን የገባው ልጅ ምተ"
ብላ እየተንሰቀሰቀች ወጣች እማማ ኡኡታዋን አቀለጠችው ሀሩን መሬት ላይ ተዘረረ እኔ እራሴን አላቅም ደርቄ ቀረው መኩ ፈዛ ቀርታለች አባባ እያየሁቶ መንቀጥቀጥ ጀመረ በቃ ሙሉ ቤተሰቡ ጤነኛ አይደለም ማለት ይቀላል ሀሩን እንደ ሴት ያለቅሳል እማማ ግን ከሁላችንም ባሰች መቆም መቀመጫ ከለከለችን ከትንሽ ደቂቃ ብሀላ አንድ ዶክተር መጣና "የታካሚ ፋይሰል ቤተሰቦች?"አለ ወደ'ኛ እየቀረበ "እማማ ስትቀር ሁላችንም አዎ" አልን ዶክተሩ ንግግሩን ጀመር "አዝናለው በጣም ልንረዳው ሞክረን ነበር...
:
:
ክፍል➓ #ይቀጥላል.....
JOIN us 👉👉👉
www.tgoop.com/Habibacalligraphy
BY Habiba Calligraphy
![](https://photo2.tgoop.com/u/cdn4.cdn-telegram.org/file/XkbcVafgVLvLr1axxNMIGj37-8KUSmvyjqxnFBxJPIaa7rcZU3YEgmt3zqjriKLGIPoNWa9dU7UF-sQv0qeRVNCAAyiwmSf0XxJkpv75vWNqbAjIRU583LA7vUjoPFXSsKcHV6EIp4FvBxKShVj2aQL7Lek1TG-36WndgOUJsq6HbS0ySv7dN-kVhj2vcFH8IzthAbOfWAz10offB61IYokZwn877JgHLUlO2PJtXZg14Iw9FNSLEkCpv0QFm-gvhkAJFFNHCdA6a9EpG3smeaeVRCNs251nDTaE9EjRuwHrVfDAJ5-kPH17xdmQA_uezaOeV_RsKB4VRiCCLV0YZA.jpg)
Share with your friend now:
tgoop.com/Habibacalligraphy/1880