tgoop.com/Habibacalligraphy/1905
Last Update:
ክፍል:-17
👣ያልወለደች 🕊 እናት👣
.
.
.....ፋይሰል የተመታውን ፊቱን ይዞ አባባ ላይ አፈጠጠ እኔ ደርቄ ቀረው ፋይሰል አባባ ላይ ሊያፈጥበት ይቅርና በሙሉ አይኑ እሪሱ አይቶት አያቅም እና ዛሬ ሲያፈጥበት እንዴት አልደንግጥ ሁላችንም ደንግጠን ወደ እማማ ዞርን ፋይሰል መመታቱን ረስቶ እማማን አቅፎ "እማማ ምንም አልተፈጠረም እኮ ተነሺ የአባትና የልጅ ግጭት እኮ ያለ ነው እናቴ በአላህ ተነሺ"እያለ በውሀ የረጠበ ፎጣ ፊቷን መጠራረግ ጀመረ ብዙም ሳትቆይ ነቃች ሁላችንም አጠገቦ ሳሎን ቤት መጅሊስ ላይ ደግፈን አስተኛናት አባባ ከእግርጊዋ ጋር ተቀምጧል እማማ እንደመነሳት እያለች "እንዴት አስችሎህ ልጄን መታህ አሁን አንተ አባት ነህ ጨካኝ አረመኔ"ብላ ጮኀች ሁሉም ደነገጠ አብሶ ፋይሰል በሂወቴ አባባና እማማ ሊሰዳደቡ ይቅርና ሲጨቃጨቁ ሰምቼ አላቅም ነበር ዛሬ በፋይሰል ምክንያት ጭራሽ እስከ ስድብ አባባ ከተቀመጠበት ተነስቶ አጠገቧ ሄደና "እኔኮ አስቤው ልጄን አልመታሁም ስለተናደድኩ ነው" ብሎ እጇን ሊይዛት ሲል እንዳትነካኝ ብላ ጮኀች ከቅድሙ ይበልጥ አሁን ደነገጥን ወትሮ እማማ አባባ ባይስማት ከተቀመጠ እንደ አዲስ ሙሽራ ምታኮርፈው ዛሬ "እንዳትነካኝ"ስትል መስማት ይቀፋል ብቻ የቤቱ ሰላም ቀስ በቀስ እየደፈረሰ ነው አንዳንዴ በሂወቴህ ውስጥ ብዙ ደስ የሚሉ እና ሚያስከፉ ነገሮች ሊያጋጥሙህ ይችላሉ እነዛ ነገሮች ደማ ቤተሰብህ ላይ ተፅዕኖ አርገው ማለፋቸው የግድ ነዎ እኛ ቤተሰብ ውስጥም የተፈጠረው ይህ ነው እማማ እንደዛ ብላው ስትጮህ አባባ ጥሏት ወደ መኝታ ክፍሉ ገባ እማማ የ ፋይሰልን ፊት እያሻሸች ታለቅሳለች የግድ እሷንና አባባን ማስማማት አለብን ብዬ ስላሰብኩ ከ ፋይሲ ጋር እማማን ማረጋጋት ጀመርን ግን ለኛ ቀላል አልነበረም እማማ የማናቀው አዲስ ሰው ሆነች አልታረቅም አብሬ መኞርም አልፈልግም ብላ ድርቅ አለች ሁላችንም ብንለምናት አሻፈረኝ አለች አባባ ማታ ክፍሉ የገባ አልወጣም እራትም ቁርስም አልበላም ፋይሰል እራሱን መውቀስ ጀመረ እሱም ልክ እንደ አባባ ምግብ አይቀምስም በሩን ዘግቶ ቁጭ ነው ልክ የሰላት ሰአት ሲደርስ ወጥቶ ዉዱእ(ትጥበት)አርጎ መስገድ ብቻ በቃ እንዲ እንዲ እያለ 3ቀን ሞላን መኪያ ከነ ባሏ ሀናን ከ ነቢል ጋር ሆነው የኛን ቤት ጉድ ሊፈቱ ዛሬ እኛ ቤት ውስጥ ተገኝተዋሉ ምሳ እንደበላን አባባን የመኪያ ባልና ነቢል ውጪ አውጥተው እንደ ልጅም እንደ ሽማግሌም ሆነው ተቆጡት እማማንም መኪያና ሀናን ነገር እንድታበርድ ተቆጧትና ቤቱ ላይ ሰላምም ሰፈነ ሳቅ ደስታ ሁሉም ይስቃል እንደ ድንገት በሩ ተንኳኳ አባባ ውጪ ስለነበረ በሩን ከፈተው ትንሽ ቆይቶ ወደ ሳሎን ገባ ከኀላው ያቺ ሴትዮ ተከተለችው እማማ ይህን ስታይ ቀጥ ብላ ቆመች "አባባ በምልክት እንድትረጋጋ ነገራት ሴትየዋ ወደ ውስጥ ገብታ መጅሊስ ላይ ተቀመጠች ሁሉም ዝም ብሏል ቤቱ ያስፈራል እኔና ፋይሰል በአይን ተጠራርተን ወደ ውጪ ተከታትለን ወጣን ሁለታችንም ጨንቆናል አሁንም የቤታችንን ሰላምና ፍቅር እንዳታጠፋ ፈራን እኩል "ግን"አልን ፋይሲ ቶሎ ብሎ "ግን ምን ዳኒ"አለኝ "አንተ ራስህ የጀመርከውን ጨርሰው"አልኩት የሚያቀው ነገር ካለ እንዲነግረኝ ብዬ "የጀመርሽውን ጨርሺው አታናጂኝ" ብሎ ሲያፈጥብኝ "ሴትየዋ የምን ልጄ ነው ምትለው ፋይሲ ፈርቻለው እዚ ቤት ውስጥ ትልቁ ሚስጥር ምንድነው..."ብዬ የማወራውን ሳልጨርስ ፈዲላ አባባ እየጠራኝ እንደሆነ ነግራኝ ወደ ውስጥ ገባው ሁሉም እያለቀሰ ነው ሴትየዋ ከ እማማ እግር ስር ሆና ድምፅ አውጥታ ታለቅሳለች ደነገጥኩኝ አባባ አጠገቡ እንድቀመጥ ምልክት ሰጠኝ አጠገቡ ሄጄ ቁጭ አልኩኝ አባባ ንግግሩን ቀጠለ "ልጄ ዳኒ እስከ ዛሬ ማወቅ የነበረብሽ ነገር ነበር ግን የምናገርበት ድፍረት ስላጣው እና ይህቺ ሴትዮ ህይወታችን ውስጥ አትወጣም ብዬ ስላሰብኩ ነበር ነገር ግን አሁን ሁሉም ሰው ማወቅ አለበት" ብሎ በረዥሙ ተነፈሰ........
..
.
.
ክፍል➊➑ #ይቀጥላል......
ቀጣይ ክፍሎችን ለመኮምኮም ቻናላችንን ይቀላቀሉ
JOIN us 👉👉👉
T.ME/HABIBACALLIGRAPHY
BY Habiba Calligraphy
![](https://photo2.tgoop.com/u/cdn4.cdn-telegram.org/file/OnYn4Hrm5pf-MHe85p1XgfjdwHy_QENya-owiYC6408KpjW2IyGACbb7YOgv-O64yk3VscAG6b6wG5qhJAkrUXKLnzwkNz3tXma5zsiH2Hl9Y0GRPx03jO987KNUaZJ7d4I2mEpDBc3zUq8HRnOK2dVxpsRhcj3hm-HpNxXuqLtt3XLfMB1Jw_C1XeXPEfaSj9oiIa7H-8yMhbjiLSvBajPKXP_YWTSBanscMytCyCYOZU04brYeBp3jFU_Y7Q6WBUfBInTT_m90TNSSHRmgrDe5zZRbszx7Pmz6yCistm3FW2ibzY1MRKU_4pbsY-b3ZivAQ6S6dBH5Vwv7nbNJFg.jpg)
Share with your friend now:
tgoop.com/Habibacalligraphy/1905