tgoop.com/IRI2day/708
Last Update:
🇮🇷🇦🇿Իրան-Ադրբեջան տնտեսական համագործակցության հարցերով հանձնաժողովի նիստի հիմնական արդյունքները.
➡️Աստարա գետի վրա նոր կամուրջի կառուցումն ավարտվել է: Առաջիկա 4 ամսում պետք է կահավորեն անցակետերը, որ կամուրջը սկսեն շահագործել:
➡️Իրանական կողմը լայնացնում է հին կամուրջը: Պայմանավորվածություն է ձեռք բերվել, որ ադրբեջանական կողմը ավելի շատ կարևորություն կտա այս խնդրին, որպեսզի դյուրացվի բեռնատարների երթևեկությունը:
➡️Իրանն ակնկալում է, որ Ադրբեջանը հնարավորինս շուտ կկառուցի Աղբանդի կամուրջը:
➡️Պայմանավորվել են առաջիկա 1-2 ամիսներին վերացնել Օրդուբադի ու Խոդաֆարինի ամբարտակների կառուցման հարցում առկա խոչընդոտները:
➡️Պայմանավորվել են զարգացնել Աստարայի երկաթուղային տերմինալը, ավելացնել ներդրումները, քննարկել են Ադրբեջանի կողմից շահագործման ժամկետի երկարացման հարցը:
➡️Քննարկել են Փարսաբադով Ադրբեջանի երկաթուղային ցանցին միանալու հարցը:
➡️Պայմանավորվել են զարգացնել պաշտպանության ոլորտում համագործակցությունը:
Հիմա հերթով
🔸Աստարա գետի վրա կամուրջի կառուցումը սկսել են 2022-ի հունվարին, բայց այդ մասին խոսում էին առնվազն 2020-ից: Սրանից բացի ևս մեկ կամուրջի կառուցում է նախատեսված: Իսկ նոր կամուրջները պետք են, որովհետև գործող կամուրջը նեղ է, բեռնափոխադրումների ծավալները՝ տարեցտարի աճող: Այս պայմաններում Աստարայում անընդհատ բեռնատարների հերթեր են գոյանում (բայց հերթերի միակ պատճառը դա չէ):
🔸Աղբանդից կամուրջի կառուցման մեկնարկի մասին ազդարարել են 2022-ի սեպտեմբերին: Սա Իրանի տարածքով Նախիջևանի հետ նոր երթուղի ստեղծելու պայմանավորվածության շրջանակներում է: Հայտարարել էին, որ 18 ամսում կկառուցվի:
🔸Արաքսի վրա ամբարտակների ու ՀԷԿ-երի կառուցումը Իրան-Ադրբեջան մշտական օրակարգային թեմաներից է: Խոդաֆարինի դեպքում Իրանից նաև պարտքային պահանջներ են հնչում:
🔸2017-ին Իրանն ու Ադրբեջանը պայմանավորվել էին, որ Ադրբեջանն Աստարայում 4 տերմինալ է կառուցելու, այդ թվում՝ երկաթուղային, ու Ադրբեջանը դրանք 25 տարով վարձակալելու էր: Մինչև հիմա Բաքուն լիարժեք չի իրականացրել իր պարտավորությունները, բայց, կարծես թե, վարձակալության ժամկետի երկարաձգման հարց է բարձրացնում:
🔸Փարսաբադով Ադրբեջանի երկաթուղային ցանցին միանալու մասին ևս վաղուց են խոսում: Այդ շրջանակներում Իրանում նախ նախատեսում են կառուցել Արդաբիլ-Փարսաբադ երկաթուղին: Այստեղ ևս Ադրբեջանի հետ համագործակցությամբ երկաթուղային տերմնալ կառուցելու հարց կա:
🔸Իսկ պաշտպանության ոլորտում Իրան-Ադրբեջան համագործակցության մասին առաջարկում եմ մանրամասն կարդալ այստեղ (էջ 19):
#Արցախըչիլինելուադրբեջանիկազմում
@IRI2day
BY Իրանն այսօր
Share with your friend now:
tgoop.com/IRI2day/708