tgoop.com/Jogargy_sot/4580
Last Update:
Судьялар мен мәжілісмендер әкімшілік әділетті кеңейту аясындағы заңдарға түзетулерді талқылады
◾️ Астана қаласы МАӘС-ында Мәжіліс депутаттарының Жоғарғы Сот және Сот әкімшілігі өкілдерімен жұмыс кездесуі өтті.
◾️ Кездесудің алдында депутаттар соттың жұмысымен және фронт-кеңседе сот қызметтерінің жұмыс істеу қағидаттарымен танысты.
◾️ Әкімшілік әділет аясын кеңейту бойынша заңнамалық түзетулерді талқылауға елорданың мамандандырылған ауданаралық әкімшілік сотының судьялары, сондай-ақ мемлекеттік органдардың өкілдері де қатысты.
◾️ Кездесуге қатысушылар алдында сөз алған Жоғарғы Соттың Әкімшілік істер жөніндегі сот алқасының төрағасы Аслан Түкиев пен жұмыс тобының жетекшісі, депутат Марат Бәшімов заң жобасын Мәжілісте ілгерілету мен түзетулердің маңыздылығына тоқталды.
◾️ Кездесуге қатысушылар заң жобасында мыналарды қарастыратынын атап өтті:
- жария-құқықтық даулардың жекелеген санаттарын АПК-нен ӘРПК-не көшіру;
- әкімшілік органдардың шешімдері мен әрекеттеріне әкімшілік шағым жасау тәртібін жетілдіру;
- әкімшілік рәсімдер және әкімшілік іс жүргізу туралы заңнаманың жекелеген нормаларын түзетуге бағытталған өзге де түзетулер.
◾️ Сонымен қатар, соттардың ақшалай жазаларды қолдануы, еңбек дауларын ӘРПК-ге ауыстыру, сондай-ақ кейіннен АПК-ден ӘРПК-ке кезең-кезеңімен өтуі мүмкін жария-құқықтық даулардың санаттары талқыланды.
◾️Сындарлы пікір алмасу болды.
BY ҚР ЖОҒАРҒЫ СОТЫ
Share with your friend now:
tgoop.com/Jogargy_sot/4580