tgoop.com/Jogargy_sot/4583
Last Update:
6001-24-00-3ГП/572
◾️ Талап қоюшы Д., 2020 жылдан Ақтау қаласындағы ЖШС жетекші бухгалтер болып жұмыс істеген.
2024 жылы жұмыс беруші өндірістік қажеттіліктер мен еңбек жағдайындағы өзгерістерді алға тартып, оның жұмыс орнын Жаңаөзен қаласына ауыстырған. Сол күні Д.-ға еңбек жағдайының өзгергені туралы хабарлама берілген. Қызметкер хабарламамен танысудан бас тартып, бұл туралы хаттама толтырылған.
◾️ Жұмыс берушінің 26.04.2024 жылғы бұйрығымен Д.-мен еңбек шарты Еңбек кодексінің 58-бабының 1-тармағының 2) тармақшасының негізінде қызметкердің еңбек жағдайларының өзгеруіне байланысты жұмысын жалғастырудан бас тартуына байланысты тоқтатылған.
◾️ Д.-ның аталған бұйрыққа шағымдану туралы арызы мерзімін өткізіп алуына байланысты келісу комиссиясымен қаралмаған.
◾️ Өзінің құқығы бұзылды деп есептеген Д., жұмыстан босатылуы туралы сотқа шағымданған. Алайда, жергілікті соттар оны жұмыстан босатуды заңды деп тауып, оның талап қоюын қанағаттандырмаған.
◾️ Жоғарғы Сот істі келесі негіздер бойынша қайта қарады.
◾️ Еңбек кодексінің 58-бабы 1-тармағының 2) тармақшасына сәйкес, қызметкер еңбек жағдайларының өзгеруіне байланысты жұмысын жалғастырудан бас тартқан жағдайларда қызметкермен еңбек шарты бұзылуға жатады.
◾️ Заңның осы нормасының мәніне сүйене отырып, ұйымдық немесе технологиялық еңбек жағдайларының өзгеруіне байланысты себептер бойынша тараптар айқындаған еңбек шартының талаптарын сақтау мүмкін болмаған жағдайларда, қызметкердің еңбек функцияларындағы өзгерістерді қоспағанда, олар жұмыс берушінің бастамасы бойынша өзгертілуі мүмкін.
◾️ Егер қызметкер жаңа шарттарда жұмыс істеуге келіспесе, жұмыс беруші оған жазбаша түрде жұмыс берушіде бар, осы аумақта оған қолжетімді бос жұмыс орнының талаптарына сәйкес келетін басқа жұмысты ұсынуға міндетті.
◾️ Жоғарғы Сот жұмыс берушінің қызметкердің тараптар белгілеген еңбек жағдайларын өзгертуге құқығы жоқ екенін және басқа қалада ұсынылған жұмыстан бас тартуды еңбек жағдайларының өзгеруі деп санауға және еңбек шартын бұзуға негіз бола алмайтынын көрсетті.
◾️ Жұмыс беруші іс жүзінде басқа жұмысқа ауыстыруды жүзеге асырған, бірақ сәйкесінше еңбек жағдайларын өзгерту емес, мұндай ауыстыру тек қызметкердің келісімімен болуы мүмкін. Д.-ны бұрынғы лауазымына қалпына келтіружәне сотта талап қоюшы өкілінің қызметі үшін жұмыс беруші есебінен төлей отырып, мәжбүрлі түрде жұмыста болмаған кезеңіне еңбекақы өндіру туралы іс бойынша жаңа шешім шығарылды.
BY ҚР ЖОҒАРҒЫ СОТЫ
Share with your friend now:
tgoop.com/Jogargy_sot/4583