tgoop.com/Jogargy_sot/4598
Last Update:
6001-24-00-6ап/834
◾️ 2011 жылы отбасында 5 адам бар Астана қаласының тұрғынына мемлекеттік тұрғын үй қорынан 2023 жылдың наурыз айына дейін жалға алу шарты жасалған 89,5 ш.м. пәтер берілген.
◾️ Сол жылы Тұрғын үй басқармасы оны және оның отбасын басқа баспана бермей, тұрып жатқан үйінен шығару туралы шешім қабылдап, жалға алу мерзімін ұзартудан бас тартқан.
◾️ Басқарма оның соңғы 5 жыл бойына тиесілі тұрғын үйді иеліктен айыруын алға тартқан.
◾️ Астана тұрғыны Тұрғын үй басқармасының үстінен тұрғын үй комиссиясының шешімін заңсыз деп тану және оның бір бөлігінің күшін жою және жаңа мерзімге жалға беру шартын жасасу туралы талап қоюмен сотқа жүгінген.
◾️ МАӘС-ы және апелляция талап қоюды қанағаттандырған.
◾️ Тұрғын үй басқармасы бұл шешімге кассациялық тәртіпте шағым түсірді.
◾️ Жоғарғы Соттың әкімшілік істер жөніндегі сот алқасы істі зерттей келе, елорда әкімдігінің тұрғын үй комиссиясының талап қоюшының құқықтары мен мүдделеріне қатысты шешімінің заңсыздығын көрсетті.
◾️ Пәтер талап қоюшыға ратификацияланған Келісімге сәйкес басқа мемлекеттердің аумағындағы әскери іс-қимылдарға қатысушы, ардагер мәртебесі бар жауынгер - интернационалист ретінде берілгені, ол басқа тұрғын үймен қамтамасыз етілмей шығарылмайтыны атап өтілген.
◾️ Талап қоюшыға қызметтік пәтер берілгенге дейін Астана қаласының әкімдігі соғыс ардагеріне теңестірілген тұлға ретінде тұрғын үй салу және пайдалану үшін елорданың шетінен 0,1 гектар жер телімін берген. Жер телімі олар тарапынан ұлына сыйға тарту шарты бойынша иеліктен шығарылған.
◾️ Талап қоюшы көптеген марапаттарға, соның ішінде мемлекеттік марапаттарға ие, жасы бойынша зейнеткер, халықтың әлеуметтік осал тобына жатады және басқа тұрғын үйі жоқ.
◾️ Осылайша, жергілікті соттардың талап қоюды қанағаттандыру туралы қорытындылары заңды және негізді, сенім құқығын қорғау, әкімшілік іс жүргізудің заңдылығы мен әділдігі қағидаттарына сәйкес келеді.
◾️ Жоғарғы Сот іс бойынша шығарылған сот актілерін күшінде қалдырды және Тұрғын үй басқармасының шағымын қанағаттандырусыз қалдырды.
BY ҚР ЖОҒАРҒЫ СОТЫ
Share with your friend now:
tgoop.com/Jogargy_sot/4598