tgoop.com/Jogargy_sot/4611
Last Update:
Жоғарғы Сот – «Атамекен» ҰКП –Кәсіпкерлердің құқықтарын қорғау жөніндегі уәкіл
◾ Жоғарғы Сот Төрағасы Асламбек Мерғалиев «Атамекен» Ұлттық кәсіпкерлер палатасының Төралқа төрағасы Райымбек Баталовпен және Қазақстан Кәсіпкерлерінің құқықтарын қорғау жөніндегі уәкіл Қанат Нұровпен кездесті.
◾Кездесуге Жоғарғы Соттың қылмыстық істер жөніндегі сот алқасының төрағасы, «Атамекен» ҰКП басқарма төрағасының орынбасарлары, Сот әкімшілігінің басшылығы қатысты.
◾Өз сөзінде А.Мерғалиев бизнесті еліміз экономикасының іргетасы деп атады және Жоғарғы Соттың сот жүйесіндегі одан әрі жаңаруларды талқылауда өзара іс-қимылға ұмтылысын ерекше атап өтті.
◾Ол Мемлекет басшысының заң үстемдігін қамтамасыз ету жөніндегі тапсырмаларын орындау аясында жүргізіліп жатқан жұмыстарды, оның
ішінде кәсіпкерлік субъектілеріне қатысты істер бойынша жұмыстарға тоқталды.
◾Жекелеген экономикалық құқық бұзушылықтар қылмыссыздандырылғаны (ҚК-ның 241-бабы, 234-бабы, 236-бабы), ҚПК-те кәсіпкерлік субъектілеріне қатысты қылмыстық істерді тіркеу күрделене түскені, сондай-ақ мемлекеттік органдар басшыларының сот актілерін қайта қарауға бастамашылық ету үшін бүкіл вертикаль бойынша жауапкершілігі күшейтілгені атап өтілді.
◾Енді мемлекеттік орган сот актісіне шағымданған кезде сотқа жоғары тұрған органның келісімін, ал әкімшілік әділет аясында - оның уәжді ұстанымын ұсынуы тиіс.
◾Р.Баталов, өз кезегінде, сот және еліміздің инвестициялық тартымдылығы ұғымдарының ажырамастығына тоқталды.
◾Тараптар ағымдағы өзара іс-қимыл деңгейін жоғары
бағалап, әкімшілік әділетті, тергеу соттарының қызметін одан әрі дамыту мәселелерін, сот жүйесі мен құқық қолдану практикасын жетілдіру жөніндегі ұсыныстарды талқылады.
◾А.Мерғалиев, Р.Баталов және Қ.Нұров кәсіпкерлердің құқықтарын қорғау, қолайлы инвестициялық ахуал қалыптастыру және сот жүйесіне деген сенімді нығайту мақсатында сындарлы диалогқа бейілді екендіктерін атап өтті.
◾Олар заңнаманы жетілдіру және сот практикасын нақтылау аясында жұмыс істеуге келісті.
BY ҚР ЖОҒАРҒЫ СОТЫ
Share with your friend now:
tgoop.com/Jogargy_sot/4611