tgoop.com/KR_President/24995
Last Update:
Президент Садыр Жапаров Венгриянын Кыргызстандагы элчиси Шандор Дорогини «Достук» ордени менен сыйлады
Кыргыз Республикасынын Президенти Садыр Жапаров, бүгүн, 27-июнда Венгриянын Кыргыз Республикасындагы Атайын жана Ыйгарым укуктуу Элчиси Шандор Дорогини кабыл алды.
Жолугушууда кыргыз-венгер мамилелерин эки тараптуу өнүктүрүүнүн актуалдуу маселелери, стратегиялык өнөктөштүк, соода-экономикалык, гуманитардык тармактагы кызматташтык ж.б. талкууланды.
Эки тараптуу күн тартибиндеги актуалдуу маселелер талкууланып, Кыргыз Республикасы менен Венгриянын ортосундагы стратегиялык өнөктөштүктү мындан ары да бекемдөөгө, ошондой эле гуманитардык чөйрөдө, анын ичинде билим берүү демилгелери чөйрөсүндө кызматташууну тереңдетүүгө басым жасалды.
Мамлекет башчысы 2023-жылдын февраль айында стратегиялык өнөктөштүктү бекемдөө жана өнүктүрүү боюнча Биргелешкен декларацияга кол коюу эки тараптуу мамилелерди өнүктүрүүдөгү маанилүү этап болуп саналаарын жана Кыргызстан менен Венгриянын ортосундагы кызматташтыкты мындан ары кеңейтүү боюнча бирдиктүү милдеттенмени айгинелеп турганын баса белгиледи.
Президент Садыр Жапаров Венгриянын элчиси Шандор Дорогиге кыргыз-венгер мамилелеринин өнүгүшүнө кошкон жеке салымы жана эки өлкөнүн ортосундагы достукту чыңдоодо көрсөткөн жогорку кесипкөйлүгү үчүн ыраазычылык билдирип, Кыргыз Республикасынын мамлекеттик сыйлыгы - «Достук» орденин тапшырды.
Өз кезегинде Венгриянын Кыргызстандагы Атайын жана Ыйгарым укуктуу элчиси Шандор Дороги мамлекет башчыга кыргыз-венгер кызматташтыгынын үч негизги багыты – экономикалык, билим берүү жана маданий байланыштар боюнча аткарылып жаткан иштер тууралуу кеңири айтып берди.
Соңунда ал Президент Садыр Жапаровго Венгриянын Бишкектеги дипломатиялык миссиясынын башчысы катары ишмердүүлүгүн жогору баалаганы үчүн ыраазычылык билдирди.
BY КР Президенти
Share with your friend now:
tgoop.com/KR_President/24995