tgoop.com/KasabatAlsokar/9558
Last Update:
مرقت الأيام ..
أمي : جايكِ عريس ، ابن ناس مُحترمين ، و وضعوا المادّي منيح وعم يقولوا حبّاب !
" أتزوج !؟
أنا حبّ وأتزوج ، جيب ولاد !؟ "
فكرة مُغرية جداً لـ بنت تجاوزت الـ 25 ..بس مُوجعة بنفس الوقت "
- وافقت ..
" عَـبالي صيـر أم "
وصار كلشي بِلمح البَصر ، شافني ، عجبتوا ، "وعَجبت إمو " ، خَطبني ،
و حددنا العرس ..
بهالفترة كلّا إنشغلت كتير عن جامعتي ، وما كنت أنزل بنوب ، وأصلاً ، مو من الأفضلّ أنزل ،
بس اليوم قررت إنزل ..
- مبروك !!
- إلتفتت لَشوف من وين هالصوت !
- أنتَ ؟
- قال انخطبتِ و قرّب عرسك ، حبّيت باركلك ..
- شُكراً ..
" كنت ح أمشي "
- حاببتيه ؟
- أي ، مَغرومة فيه اتخيّل !!
- مَرق وقت كتير ما شفتك ، وقت كتير ع فُراقنا ، بتصدقيني هَالمرّة إذا قلّتلك اشتقتلك !!
وصدقاً إنّي إتغيّرت ؟
- هههههههه اشتقتلي ؟
بعد شو ، خطبتي منّ هالشخص حرّكت رجولتك؟
عقلك مالو مستوعب إنّك عنجد اخسرتني !
مش أنت إلي قلتلي روحي ، هيني رحت ، رحت والله عوضني بإنسان يحبني ويخاف علي
- بس إنتِ ما بتحبيه
- خُرافات الأجداد لازم نصدقها ببعض الأحيان ، "الحب يأتي بعد الزواج "
وأنا آمنت بهالخرافة ، ماشي؟
- مافيكِ ، ما فيكِ تكوني إلو مافيكِ !!!
- ليش مو قادر تتحمل فكرة أنت سببا !
خلص ، هلق صرت زوجتوا
رح حبّوا ألو , أتأمل عيونوا ، دللّو ، أهتم فيه ، أغمروا ، جيب منّو وَلد يقلّي " ماما "
ولد منّو ألو !!
وأنتَ خلّيك عايش بالندم ، الندم إلي خلّفتوا بحياتك أنا !
إلي رح يضلّ مرافقك كلّ عمرك ..
" وهَالمرة أنا إلي بدّي قلّك روح ، صار فيك تروح ! "
" ثُمَّ ذَهبت ، أدرتُ وجهي عنكَ وإنهالت دموعٌ حارّة أشعلت وجنتاي ، سأزفٌ بعد أيامٍ عروسةً لـ رجلٌ غيركَ ،
لا سامحكَ الله ولا عفا عنّك ، جَعلتني حِينها أذهب وأنا كُلّي رغبة في البَقاء 🖤!"
BY قـصـبـةَ الــسُــكَـر💚
Share with your friend now:
tgoop.com/KasabatAlsokar/9558