tgoop.com/KasabatAlsokar/9566
Last Update:
قديش حسيت مشاكلنا تافهة بعد الموقف يلي صار معي اليوم . .
اجاني طالب عم يدور على الممرضة
- مس وين الممرضة ؟
- ليش حبيبي شو صاير معك ؟
- بدي أسألها اذا ممكن أكل حبة الدونات هاي . .
- كلها حبيبي شو دخل الممرضة !
- لا مس لازم ممرضة!
أخدته للممرضة فضول ولما دخلنا ركض عليها وحكالها مس ممرضة شوفيلي اذا ممكن أكل حبة الدونات هاي، يا رب يا رب أقدر أكلها . .
طلع الولد معه سكري . . فحصتله السكري وحكتله فيك تاكلها حبيبي !
فرحة الولد ونظرة عيونه لما حكتله فيك تاكلها ما فيّ أشرحها . . وخاصة لما حكى : شكرا يا الله
أنا اتجمدت هون ومر قدامي شريط حياتي، أنه يا الله لما نمر بمشاكل بنحس أنه الدنيا سكرت بوجهنا وبننسى قديش ربنا أنعم علينا نعم!
بننسى الأشياء الصغيرة يلي ربنا فضّل فيها علينا . . شكرا لموقف اليوم يا الله لأنه حسيت المشاكل يلي بمر فيها تافهة بمقابل نعمة الصحة !
BY قـصـبـةَ الــسُــكَـر💚
Share with your friend now:
tgoop.com/KasabatAlsokar/9566