tgoop.com/M2O0n/4108
Last Update:
رسالة لك؛ إذا وصلتك🕊:
لحد الحين متحسّر عالحب اللي حسّيت فيه مع ذاك الشخص؟
وطلع من حياتك
واختفى هالحب معاه؟
الحقيقة هالحب ما كان جاي منه هو!
هو بس أشعل الحب اللي كان موجود بداخلك
هالحب جاي منك انت..
انت أساس هالحب وإنت مصدره
هذي نقطة مهمّة
لأن لما أحد يرحل
ما ياخذ معه الحب!!
كل الحب اللي عشته
كان في داخلك طول الوقت
هو بس ذكّرك فيه وسمح لك تعبر عنه
ماكان حب وكرم منهم واعطوك اياه
هو كان مشتعل بداخلك من البداية
بداخلك إنت
وهذا إدراك عميق
لأن لما أحد يرحل
ماياخذ معه الحب
كل ذرة من الحب اللي حسيت فيها
كانت لك ومنك وفيك
وهي دائما بداخلك أنت
تنتظر تفعلها
هم ما كانوا إلا مرايه
تعكس الحب اللي كان يعيش داخلك من الأساس
والأجمل
إنك تقدر تشعل هالحب بإرادتك
من غير ماتحتاج أحد أو شيء خارجي يسويه لك
تقدر تكون في حالة حب بأي لحظة!
جرّب الآن:
خذ نفس عميق
ولما تطلعه
غمّض عيونك
وحس بنفسك تقع في حب هاللحظة
اللي انت فيها الآن
جميل الشعور صح؟
حبّ الهواء اللي يدخل صدرك
الحياة اللي قاعد تعيشها
الطاقه اللي تحيط بك
الحب موجود دائما وينتظرك بس تلتفت له
عش الحب بإختيارك في هاللحظه
واسمح للي مكتوب لهم يشاركونك فيه أنهم يوصلون لك هناك
الحب مو شيء تتلقاه
هو شيء أنت عليه وتقدر تختاره بأي لحظه
وكل لحظه
وأسرع طريقه هي بالإمتنان
ما تحتاج تنتظر الحب عشان يجيك
لأنك أنت الحب
ولما تعيش الحب
بتنسجم مع الأشخاص والتجارب واللحظات المناسبة لك وبكل سلاسة وتناغم
وأخيراً
الحب مو شيء تبحث عنه!
هو إحساس تسمح لنفسك أنك تعيشه
وكلما حبيت نفسك أكثر
كل ما عكسه الكون لك أكثر