tgoop.com/Moaad_Ab_parasitology/1740
Last Update:
السلام عليكم ورحمة الله وبركاته
أولا: نسأل الله أن يوفقكم، وتكون امتحاناتكم مش ع خير.
ثانيا: بخصوص الكورسات اللي بعد النصفي، فيه نقاط لازم نوضحها؛ أغلبكم تعرفوا أني وقفت السيمستر الماضي لعارض صحي ليه علاقة بالتدريس، والحمد لله تحسنت بعد ما وقفت، بس لما رجعت السيمستر هذا للأسف الوضع الصحي رجع يسوء وحقيقة قاومت لين كملت معاكم النصفيات ع خير والحمد لله.
اللي نبي نوصله؛ أنه الكورسات صارت تتعارض مع صحتي بشكل كبير جدا فلهذا حنوقف تماما السيمستر هذا، ولو الوضع استمر على ما هو عليه حنوقف تماما ع التدريس.
الكورسات حتقعد موجودة ع المنصة لمن يبي يشترك وبنفس المواضيع المقررة عليكم م الكلية، والشيء الكويس للسيمستر هذا أنه أغلب المنهج محدث ع المنصة سواء المحاضرات اللي درتها توا أو السيمستر قبل الماضي للمادتين كميونيتي 1و2.
الكورسات حتنفتح ع المنصة اليومين هادم إن شاء الله وحانزلكم إعلان بمجرد فتحهم إن شاء الله.
وأخيرا؛ أعتذر عن أي تقصير أو خطأ أو إساءة بدرت مني، ومن عفى وأصلح فأجره على الله.
وديما تفكر ف النعم اللي الله عز وجل عطاهالك ومن أهمها الصحة "وإن تعدوا نعمة الله لا تحصوها".
وفقنا الله وإياكم لكل خير.
BY Moaad_Ab, Community medicine and parasitology.
Share with your friend now:
tgoop.com/Moaad_Ab_parasitology/1740