tgoop.com/Mohammed_Hassan/824
Last Update:
#الليلة_العاشرة
مقاتل بني هاشم
دمعة الحب والمصيبه .. يــنزلن الليــله جمر
ســـيد الـحب عالترابه .. بــاجـر ابحـر الظـهر
ياگلب اجويني واجــزع .. عـالوگع من المهر
ياگلــب خليني اموت امــن العــذاااب
بـاجـر ابـن الـزهره مـسلــوب الثــيااب
باجر المـاعنده اخو اتسنـده الـرمـاااح
ايلوج امـامــك وحــده ابحر التراااب
خل گدام اعيــونك مـولاك شـلون
طــايح فوگ الگاع بثوبه يسلبون
موت لهاي الهظمه التحرگ بالروح
ابن الزهره اگباله بخدره يطلعون
واغربتاه حُسين
..................
ابــجي ياگلبي لغربته .. من ركض صوب اكبره
اتمدد بصـفه بــدمعته .. وحسـرته اتجوي الثره
على الدنيه العفه بعدك .. يـعـني كسروا خاطره
ابجي امــامــك مـن وگع ابنه الحبيب
شيِـّب احسين انترس بالـطف مشيب
اتــمــدد بـصف ابنـه مــيت جنه صار
اتخضب ابدم نحره من شافه خضيب
مـات ابـصف اولـيده الاكـبر مــرتين
لا حيـلـه الـضـلالـه ولا ضـلـت عـين
كـسـرو گـلبه بـابـنـه وخلوه مجروح
وذبـحوا اغلى و اجمل اولاد احسين
واغربتاه حُسين
...................
انـكــسـر يــاگـلبـي لازم .. تـنـكـسـر تـشــبع عــويــل
وميل وي اجدام امامك .. مــن مشــه لصوب الكفيل
من وگع ظهره وعضيده .. وبي حجي الشامت يعيل
انكــسر لحسـينك ابــكل الضــروف
مــن لـگه العـباس مگطوع الجفوف
ومن رجع صوب المخيم دون اخوه
طيح الخيمه وغــده بدمعه يطوف
بــاجــر يلـزم ظــهره يم ارذل نــاس
والـغربه اتبـين بـي مـن شيب الراس
ايفـرح الشـامت دمع الماعنده اخوان
يــاحــيرت مــولاي بــطيـحت عباس
واغربتاه حُسين
...................
باجر المحد بــقـالــه .. غـربـتـه اتبـجي الفـله
منين مايندار امـامـي .. يلگـه هـظمه بـكربله
واخــر اجروحه وعذابه .. اه يـنـبلــة حرمله
احتار امامك من اخـذ بيده الرضيع
الـلـونه مـن كثر الضمه رايح يضيع
رجـعه لخـيامه محــتـار اشــيگـول
يـدري بامه اتمـوت اذا گلها صريع
اشگد احتار بحاله وضل رايح جاي
يــم اخيـامه و واگف بس فاگد راي
سهم الرگبه امبــين بـيش ايغطيي
وامـه اتــريد اتنومه وحـاير مولاي
واغربتاه حُسين
....................
ابجي ياگلبي اريـدك .. مــاتـهـيــد ولا تـــجـن
باجر اضلوع التحبه .. بــالــحـوافـر تنــطحن
ويبقه بالحومه حبيبي .. اتلث ليالي ابلا دفن
ومنــحره الليقبـله يـوميه الرسول
وصـدره التشمه امه فاطمت البتول
يــنمــحــن جـــوه الحوافر والتراب
ابصدر امامك باجر اتدوس الخيول
اتروح الخيل وترجع عل مـاله اخوان
وعل ماعدها اخـوان ايطيح الصيوان
بــاجــر زيـنب بــاجـر للشام اترووح
المــحد شايـف ضـلــها تدخل ديوان
ابو حميدة الشويلي
اللهم عجل لوليك المنتقم الفرج
BY ابو حميدة الشويلي
Share with your friend now:
tgoop.com/Mohammed_Hassan/824