tgoop.com/Mohammed_Hassan/829
Last Update:
ماكو مثلها .. هــاي المـصيـبـه
گدام اخوتي .. وصاحو غريبه
وخيمة دلالي .. راحـت نهـيبـه
راعي الكفاله .. من وين اجيبه
وينه ابو الغيره تره وكتي غدر بيه
الخيل والنـاس اجت گصاده اعليه
والحجي المُر سمعـته ومامـتعوده
اسمي زينب شنو يگولون مســبيــه
عباس بالضيم .. اختــك صفت مـن ماجيت
بـالـبر اتـهـيــم .. المـاعدها اخو ولاظل بيت
......................
لـلـغـاضـريـه .. جـابـونـي امــيــره
واخـوان الـيه .. وهيـبـة عـشيــره
مـنـي خذتهـم .. الدنـيه الــزغـيـره
واخذت عقيله .. انطتـني الاسيره
لاخـيـم عـــنــدي ولا رايـه ولا كـــــافـــل
وخدري وي غربه عله الهزله غصب شايل
راحـــت ايــام دلالـــي ابــيـوم ولـــيـلـــه
اشما شفت رايه صحت خويه يبو فاضــل
ماشاف انسان .. طولي وصرت يم شمات
الماعدها اخوان .. فـوگ الهـزل تالي اتبات
..................
ابن امي عفته .. وبضــلوعي جمره
ودعته سكتـه .. ومـنـعـونـي امــره
غير انه اختـه .. وعمري اعله عمره
واجـب ادفـنه .. واحـفــرلـه گـبــره
عفته بالحومه جـسد مـتسلب عفـتـه
لانـحـت يـمـه عـزيـز امـي ولا شلـتـه
اانـتـهت عشرتـنه بعد ماتصلح رجـعه
اوداعه عالناگه كسر خاطر گلب اختـه
خليت احسين .. اي صارت وعفته اوحيد
وما ادري الوين .. حادي الضعن بينه يريد
...................
لاهـذا وضـعـي .. اولاهـذا حالي
محتاره وابجي .. الضيـعة دلالي
بعيوني دمعي .. وبـيدي حبــالي
مسبيه وادعي .. يـفزعلـي والـي
بيش احس دمعي وانه احبالي بادي صارت
مـالـت الـدنـيـه عـگـب اهــلي صـدگ مالت
الـناس مـاتـرحـم بـجـيـها الــفـوگ الـنـاگـه
مــالـج اخـوان يـفــزعــون الــي انـگـالـــت
شتگول الناس .. ماضل ولي يباري ام عون
وينك عــباس .. سـكـت كــلام اليـحــجـون
...................
راحت خـيامي .. وراحو اخـوتــي
ولاضل محامي .. اليسمع شكوتي
والشام اجيـته .. واتـمـنـه مـوتـي
ولا للـدواويــن .. گـالـولي فـوتـي
يـهلي ديـوان فـتـت كـون تـعـذرونــي
ومـن العيـون تـغييــر شكـلي ولــونـي
گلـبي مهظوم بـعد حگه امـن يـنــادي
مـن الاجـناب تـعـالـولـي خــلـصـونــي
الشام الشام .. لاگـتـني بـطبـول الـنـاس
الشام الشام .. وعيني اعله رمح العباس
ابو حميدة الشويلي
اللهم عجل لوليك المنتقم الفرج
https://youtu.be/gvATDVOG2Iw?si=ublg3RZk7la9MT84
BY ابو حميدة الشويلي
Share with your friend now:
tgoop.com/Mohammed_Hassan/829