tgoop.com/Mohammed_Hassan/838
Last Update:
شهادة مولانا الامام الحسن المجتبى عليه السلام
يا مايله الدنيه اويه الاحسين
حسن خويه ..حسن خويه
گلبــي ابــوداعك صـار نصين
حسن خويه.. حسن خويه
يـبــو الـقـاسم وداعك مالي حيله
اشــلون بجفي نعـشك راح اشيله
الاخــو لــو مات اخو يدفن حياته
اشــلون ايعـيش اليـفـارگ خليله
الي اعيون
فوگ اجنازتك طاحت الي اعيون
گلت كون
ويـاك انه هـم ميـت گـلـت كــون
كــضيت ظهري وفــرحــت الناس
حسن خويه ..حسن خويه
وخله اعله ظهري اجفوفه عباس
حسن خويه ..حسن خويه
.............................
جــرح دلالــي مـــابـطــل نــزيــفـــــه
كـسـر ظـهـري ومـشـه والــد شـريـفه
دفـنـت بـجـفـي اخـو يـعـادل عشيره
ورجعت ابجي واصيح بنص مضيفه
يالدلال
طــيـحـن طــاح راعـيجـن يـالـدلال
بعد شال
الحسن جا شنهي ظلتجن بعد شال
درت اعله اوجهي انگاب منهوب
حسن خويه .. حسن خويه
مصيوب گلبي اعليك مصيوب
حسن خويه .. حسن خويه
........................
اول لــيـلــه هـــاي اتــمــر بـدونك
وگــلبي اشــتاگ يــاخويه لعُيونك
يالمشارجـني حته بـجرة الانـفاس
يمن روحك الي ولوني اعله لونك
جنت بيك
اجفـوف الصعبه الاويها جنت بيك
تحاجيك
روحــي ومــاتــحاجيها تــحاجـيك
شـــيــرد هــذيج ايامي وياك
حسن خويه ..حسن خويه
محروگ گلب احسين بجفاك
حسن خويه .. حسن خويه
....................
اخــير انفاسه گلـي وانه اسمـعه
گال احسين خله ايـده عالضلعه
لا يــومن كيــومك وانت مذبوح
وفـي حـته بمماته يصبلي دمعه
بعد وين
اجيب الروحي اخو مثلك بعد وين
والحسين
حــيل اتــغير ابـفـگــدك والحــسين
حــنــيت خــويه الذيج الايام
حسن خويه .. حسن خويه
من جان طولي بحضنك ينام
حسن خويه ..حسن خويه
..................
وره فگده الـگــلــب عالي نحـيبـه
وعلي افـراگ الاخو اعظم مصيبه
اجـــيت الكـربله اتمنيته حــاضــر
ويـــغــطي جـثــتي التبقه سليبه
واذا صيح
ضامي ايجيبلي اميه واذا صيح
واذا طيح
انام ابحـضنه وبـفيـيه اذا طيح
امعزب واخيك يبقه عطشان
حسن خويه ..حسن خويه
شيخ واخوك ايموت عريان
حسن خويه .. حسن خويه
ابو حميدة الشويلي
اللهم عجل لوليك المنتقم الفرج
BY ابو حميدة الشويلي
Share with your friend now:
tgoop.com/Mohammed_Hassan/838