بُشريات بطلات واعي

"دي رسالة رديت فيها على إحدى رفيقات التعافي واللي سألتني عن تجربتي مع التدوين ، فحبيت أنزلها في الثمرات 🥰"

أهلا ✨🤍

آخر فترة لما تعبت خالص من كتر الزلات والدنيا سودت في وشي، رجعت لدراسة زلاتي واللي كنت كل ما بقع بكتب الأسباب في كراسة ، و بقلب في الكراسة دي لقيتني كاتبه في فترة حققت فيها رقم كويس في التعافي إن الرياضة والتدوين هما جوهر التعافي، المهم أخدت قرار إني أجرب لمدة ١٠٠ يوم ألتزم بالعادتين دول، النهاردة وبعد 40 يوم رياضة وتدوين، يمكن الرياضة كنت يوم الجمعة باخده راحة ،لكن التدوين ده لازم لازم لازم قبل ما أنام، أفرد الغطا على السرير وآخد أجندتي وقلمي وأكتب ورقة كاملة، أي حاجة وكل حاجة تيجي في دماغي بكتبها.

بعد 40 يوم عايزة أقول إني لأول مرة من سنين أحس إني طبيعية ، مش قادرة أقولك إزاي نظرتي للحياة إختلفت وبشكل تلقائي وما أعرفش إزاي بقيت أقدر أتجاوز الحزن الشديد والضغط والملل، الكتابة دايما بتفكرني أنا بكتب ليه؟ عشان ما أنساش أنا جاية منين.

رغم إن ال 40 يوم كانوا مش وردي وعدت عليا أيام كان من الطبيعي جدا أزل فيها، لكن ما وقعتش!
في عز زعلي كنت بقوم أعمل رياضة وأشوف اللي ورايا، حرفيا أبكي بعين وأذاكر وأخلص مهامي بالعين التانية وفي نهاية اليوم أكتب يومياتي، بنام مرتاحة قريرة العين.

في النهاية وبعد سنين إدمان يا بطلة، إنسي كسرك وكملي، أثر الألم والجرح مش هيختفي وبياخد وقت طويل لحد ما يتحول لأثر ضعيف، لكن داوي جرحك، عشان تُشهدي الله إني في عز ألمي أنا كنت بحاول عشان ترضى عني، ماحدش يحب يكون عاصي ، غايتنا هي رضا ربنا والجنة.

طبعا بجانب الرياضة والتدوين كنت لازم أحط قائمة مهام لليوم لتجنب الملل وضياع الغاية.


خلاصة الكلام وخلاصة تجربتي، اعملي اللي عليكي والعبي رياضة و دوني يومياتك.

الصلاة، القرآن، الأذكار، الصدقات الخفية، الدعاء الدعاء الدعاء.

يارب أدعوك ألا أنسى ،فإنني إن نسيت سوف أعود.
يارب ألاقي عدنك اللي بدور عليه في إدماني
يارب مكنّي من مفاتيح تعافيّ.

أسأل الله أن يمن علينا بالمعية والرحمة وينجي كل حائر تائه🕊🤍.

#ثمرات_العادات
#معسكر_واعي

www.tgoop.com/MontadaBatalatwa3i/3962

841 viewsJan 27 at 13:02

"دي رسالة رديت فيها على إحدى رفيقات التعافي واللي سألتني عن تجربتي مع التدوين ، فحبيت أنزلها في الثمرات 🥰"

أهلا ✨🤍

آخر فترة لما تعبت خالص من كتر الزلات والدنيا سودت في وشي، رجعت لدراسة زلاتي واللي كنت كل ما بقع بكتب الأسباب في كراسة ، و بقلب في الكراسة دي لقيتني كاتبه في فترة حققت فيها رقم كويس في التعافي إن الرياضة والتدوين هما جوهر التعافي، المهم أخدت قرار إني أجرب لمدة ١٠٠ يوم ألتزم بالعادتين دول، النهاردة وبعد 40 يوم رياضة وتدوين، يمكن الرياضة كنت يوم الجمعة باخده راحة ،لكن التدوين ده لازم لازم لازم قبل ما أنام، أفرد الغطا على السرير وآخد أجندتي وقلمي وأكتب ورقة كاملة، أي حاجة وكل حاجة تيجي في دماغي بكتبها.

بعد 40 يوم عايزة أقول إني لأول مرة من سنين أحس إني طبيعية ، مش قادرة أقولك إزاي نظرتي للحياة إختلفت وبشكل تلقائي وما أعرفش إزاي بقيت أقدر أتجاوز الحزن الشديد والضغط والملل، الكتابة دايما بتفكرني أنا بكتب ليه؟ عشان ما أنساش أنا جاية منين.

رغم إن ال 40 يوم كانوا مش وردي وعدت عليا أيام كان من الطبيعي جدا أزل فيها، لكن ما وقعتش!
في عز زعلي كنت بقوم أعمل رياضة وأشوف اللي ورايا، حرفيا أبكي بعين وأذاكر وأخلص مهامي بالعين التانية وفي نهاية اليوم أكتب يومياتي، بنام مرتاحة قريرة العين.

في النهاية وبعد سنين إدمان يا بطلة، إنسي كسرك وكملي، أثر الألم والجرح مش هيختفي وبياخد وقت طويل لحد ما يتحول لأثر ضعيف، لكن داوي جرحك، عشان تُشهدي الله إني في عز ألمي أنا كنت بحاول عشان ترضى عني، ماحدش يحب يكون عاصي ، غايتنا هي رضا ربنا والجنة.

طبعا بجانب الرياضة والتدوين كنت لازم أحط قائمة مهام لليوم لتجنب الملل وضياع الغاية.


خلاصة الكلام وخلاصة تجربتي، اعملي اللي عليكي والعبي رياضة و دوني يومياتك.

الصلاة، القرآن، الأذكار، الصدقات الخفية، الدعاء الدعاء الدعاء.

يارب أدعوك ألا أنسى ،فإنني إن نسيت سوف أعود.
يارب ألاقي عدنك اللي بدور عليه في إدماني
يارب مكنّي من مفاتيح تعافيّ.

أسأل الله أن يمن علينا بالمعية والرحمة وينجي كل حائر تائه🕊🤍.

#ثمرات_العادات
#معسكر_واعي

BY بُشريات بطلات واعي