tgoop.com/Nozima_Habibullayeva/489
Create:
Last Update:
Last Update:
Қўлларимга қизил олов тутқазди у,
Миллион йиллар совқотмасам керак энди.
Ишончимни ютиб, дилин ютқазди у
Кўксимдаги кўксидаги юрак энди.
Мен номини билмайдиган ранглар билан
Сийратимни чизиб берди самоларга.
У куйлади, оҳангларга айландим- у
Ҳаволарга сингиб кетдим, ҳаволарга.
Бир мусаффо сўзлар оқди кўзларимдан
Бу куз бунча яшиликка кўмилгандир
Яноғимдан, қароғимдан, сўроғимдан
Қуёш узиб олса бўлар тандир - тандир.
Қадамлари қутлуғмиди ё шунчалик
Ўйларимдан томиримга кўчди фараҳ.
Ўн саккиз минг олам билан жимирладик
Шивирлади қулоғимга исмини Бахт!
✍ Нозима ҲАБИБУЛЛАЕВА
@wwwesdalikuz
www.esdalik.uz
BY Нозима ҲАБИБУЛЛАЕВА
Share with your friend now:
tgoop.com/Nozima_Habibullayeva/489