tgoop.com/Poemq/1444
Create:
Last Update:
Last Update:
هوسات لميلاد سيدتي زينب عليها السلام
1
يامن تنشد اعله العيد او عندك تايه احسابه
سؤالك عندي لا تعجب يومن تسمع اجوابه
صُبح الخامس امن اجماد عيد الباري واحزابه
واهلاله وي مولد زينب
2
لا مريم ولا بلقيس لا أم موسى لا هاجر
زينب والحچي مگطوع مثلها او لا خدر صاير
يوصفّها وحي المفروض ما يوصفها اي شاعر
چن مصحف يصعب تأويله
3
يوم انولدت الحوراء صارت بالسمه ضجه
لان بل مهد كلمن طاف محسوب ابالف حجه
الطريق امن السمه للگاع انترس والحور تترجه
بت حيدر خل ترضا اعلينه
4
هلا يامن نضل لولاچ محد للشرف يعرف
هلا يل هيبتچ تاريخ من عدها الفخر يغرف
امن اوصفچ نبي آنه ابهاي ما بالغ ولا اسرف
يا تاج الدين او نوماسه
5
زينب بيچ ضل محتار عگلي والفكر مرهق
زينب انتي التوحيد وانتي العدل وانتي الحق
ابميلادچ سكت هل كون بس ضل هيبتچ تنطق
واتضل تنطق حد الساعه
ابو فاطمة الطائي
BY الشاعر ابو فاطمة الطائي
Share with your friend now:
tgoop.com/Poemq/1444