tgoop.com/RakursUz/4181
Last Update:
Жамоат транспортида юрадиганлар тўқнашадиган айрим ҳолатлар ҳақида озроқ "маъруза" қилмоқчиман. Аслида булар жуда элементар қоидалар, лекин кимдир айтиши керак бўлган жиҳатлар, деб ҳисоблайман. Иложи бўлса, болаларингиз, ука-сингилларингизга айтиб туринг, ҳар куни эслатинг.
🎒-Жамоат транспортига чиққанда рюкзакни қўлга олинг! (Тақилган ҳолатда одамларга ҳалақит беради, гарчанд сизга жуда қулай бўлса ҳам. Бошқа томондан юкингиз назоратингизда бўлади. Кисавурлар уриб кетмасин бир-икки сумингизни)
📱Телефон қўнғироқларига жуда қисқа жавоб беринг, "Автобусдан тушиб, телефон қиламан", денг! ("Громкий"га қўйволиб, валақлашманг, илтимос. Одамлар сизнинг муаммоларингизни эшитишга мажбурмас. Ёки паст овозда ғўнғиллаб (кўнгил берган азиз инсонингиз бўлса ҳам) гаплашманг)
📲 Телефон овозини баландлатиб қўшиқ эшитманг, рильс, шортс видеолар кўрманг!
🧠Ўртоқларингиз ёки дугоналарингиз билан аскиябозлик қилманг(жуда зарур, ёнётган мавзу бўлса, паст овозда гаплашинг)
❗️Тоза ва озода кийинишга ҳаракат қилинг ва ортиқча ҳид келтирувчи нарсаларни (оғир таом, дезодорантлар) олиб юрманг.
🔷Транспортда ифлослантирмаслик учун овқат ёки ичимлик истеъмол қилмаслик тавсия этилади.
🔻Имкон қадар ҳаддан зиёд катта ёки оғир юклар билан транспортга чиқманг! Чиқиш-тушиш йўлагида турмасликка ҳаракат қилинг, чунки бу бошқаларнинг ўтишига халақит беради.
👴🏻Кексалар, болали аёллар, ногиронларга чиқиш ёки тушишда ёрдам беринг!
🚭Носвой чекиб, спиртли ичимлик ичиб транспортга чиқманг! (Тунов куни битта кап-катта киши ярим соат аёл киши билан оғзида носи билан гаплашиб келди. Охири гапиришга мажбур бўлдим. "Шериклари янги уйланган-да", деди оқламоқчи бўлиб)
❗️Йўл ҳақини ўз вақтида ва тўғри миқдорда тўланг. Бу бошқаларнинг хавфсизлиги ва тизимнинг тўғри ишлаши учун муҳим.
Гуруҳларга тарқатганлар дуони тагида қолади.
👉@RakursUz
BY RakursUz
Share with your friend now:
tgoop.com/RakursUz/4181