tgoop.com/Sevgidanizi1/3564
Create:
Last Update:
Last Update:
▫️بئله دؤنمه، ایسمی دؤنوک دئییلسن
گیلئیین وار، یاغدیریب گئت، یاغیب گئت!
قاییدارسان یول گؤیه‌رَر، یول دونار
کئچدیییمیز یولا بیرده باخیب گئت!
ایندن بئله دَمین دَمده، غمین کم...
ایندن بئله توی_ بوساطلار سنینکی
گؤز یاشلارین گرک اولماز یقین کی
گؤزلرینی گؤزلریمه سیخیب گئت!
آلداتماق دا، آلدانیلماق دئییلمی؟
زهر ساتماق، زهر آلماق دئییلمی؟
یاخشی قویو، ترس بادالاق دئییلمی؟
ائله بیردی: ییخیلیب گئت... ییخیب گئت!
توفان دلی، ایل تاغیندا گول ظریف
تئز تؤکولدو عؤمروموزون گون زری.
باری آییر یاددا قالان گونلری،
یادداشینین بیر اوجونا ییغیب گئت!
قوپدو بیر سس، قوپدو بیر تاغ قالمادان،
گؤیرچینلر پئریکدی داغ قالمادان،
عشقیم قالان بو اوچ بوجاق قالمادان
الینده جام، دیلینده شام چیخیب گئت...!
#ممد_آراز
@Sevgidanizi1
BY sevgi dənizi
Share with your friend now:
tgoop.com/Sevgidanizi1/3564