tgoop.com/Sevgidanizi1/3590
Last Update:
دؤنه جه یین یوللارا کؤز دوزدولر
سئوگیمیزدن بیرجه اووج کول قالار
گؤزلریمدن خاطیره لر سوزولر
گئدیرسن سه، گؤزلریمی آل آپار
آیریلیرسان، سیزلامازمی اوره ییم؟
حسرتین، هیجرانین باغریمی یارار
آغلاماقدان کور اولاجاق گؤزلریم
گئدیرسن سه، گؤزلریمی آل آپار
تنها اوره ییمی یادلار قوواجاق
سئوگی باغیم گوندن-گونه سولاجاق
یوللاریندا گؤزوم دونوب قالاجاق
گئدیرسن سه گؤزلریمی آل آپار
سن سیزلییه سیرداش کؤلگه م اولاجاق
تنها اللریمی یئللر توتاجاق
اؤلسم ده گؤزلریم آچیق قالاجاق
گئدیرسن سه، گؤزلریمی آل آپار
خیالینی کیپریگیمدن آسارام
اللرینی توتان اولسا یانارام
باشقاسینا باخسان گؤزسوز قالارام
گئدیرسن سه گؤزلریمی آل آپار
دئمیرم محو اولوب,یوخ اولاجاغام
عؤمرومه دیرکدین, ییخیلاجاغام
سنلی گونلریمه آغلایاجاغام
گئدیرسن سه، گؤزلریمی آل آپار
یاتمیرام یوخودا آغلارام دییه
هر سحر هیجرانی دادارام دییه
شکلینه باخماسین کور اولار دییه
گئدیرسن سه، گؤزلریمی آل آپار
سئودا بیر آغاج میش، باری حسرتمیش
اَییلمز غرورو,سئوگی اَیرمیش
اورک آغریسینی گؤزلر چکرمیش
گئدیرسن سه، گؤزلریمی آل آپار
#رشاد_کسمنلی
@Sevgidanizi1
BY sevgi dənizi
Share with your friend now:
tgoop.com/Sevgidanizi1/3590