tgoop.com/TSTM_DUK/12807
Last Update:
Xitoylik olimlar “umrboqiylik” guruchini yaratdi
Xitoylik olimlar gen tahrirlash texnologiyasidan foydalanib, Q10 koenzimini sintezlaydigan yangi guruch navini yaratishga muvaffaq bo‘ldi.
Koenzim Q10 — inson hujayralari energiya almashinuvining asosiy tarkibiy qismi bo‘lib, yurakni antioksidant himoya qilishda muhim vazifalarni bajaradi. U oksidlanish jarayonlarini kamaytiradi, yurak mushaklariga kuch bag‘ishlaydi, mushaklar tirishishi va spazmalarini, og‘riq sindromining oldini oladi hamda teri osilishini bartaraf etadi.
Ko‘plab sportchilar bu moddani o‘z ratsioniga qo‘shadi. Modda mushak tolalarini mustahkamlaydi, sport mashg‘ulotlaridan keyin kuch va quvvatni tiklashga yordam beradi.
Ammo inson tanasida ushbu moddani sintez qilish qobiliyati 20 yoshdan so‘ng sezilarli darajada pasayadi. Shu sababli, olimlar uni guruch kabi anʼanaviy don ekinlaridan olishni taklif etdi.
Olimlar maxsus texnologiyadan foydalanib, ushbu foydali moddani sintezlaydigan guruch navini yaratdi.
BY TUPROQSIFATTAHLIL DUK
Share with your friend now:
tgoop.com/TSTM_DUK/12807