tgoop.com/T_Nurmetov/9272
Last Update:
Kuni kecha TARIX fanidan fevral oyida o‘tkazilgan “Milliy sertifikat” imtihonining natijalari e’lon qilindi va bu safar Xorazm yurtidan chinakam rekord yangradi!
🏆 Urganch shahridagi 21-maktabning 10-sinf o‘quvchisi Sevinchoy Shonazarova 87,22 ball bilan A+ sertifikatini qo‘lga kiritib, nafaqat maktabining, balki butun viloyatning faxriga aylandi!
Bu natija – mehnat, iroda va fidoyilikning yorqin namunasi! Sevinchoyning ushbu yutug‘i minglab o‘quvchilar uchun ishonch, ustozlar uchun esa ilhom manbayi bo‘lishi shubhasiz.
Biz Sevinchoyni, uning ustozlari, ota-onasi va 21-maktab jamoasini ushbu g‘alaba bilan Xorazm viloyati Maktabgacha va maktab ta’limi boshqarmasi nomidan samimiy tabriklaymiz!
✨ Albatta, bu yutuq ortida fidoyi repetitor – Jalol Boltayevning alohida o‘rni bor. U tarix fanidan o‘zining yuksak pedagogik mahorati, testologiya bo‘yicha chuqur bilimlari bilan RESPUBLIKA miqyosida eng kuchli repetitorlardan biri sifatida e’tirof etilmoqda.
📈 Har imtihonda qayd etilayotgan respublikadagi eng yuqori natijalar uning kasbiy salohiyati va tajribasining yaqqol isbotidir. Ayni paytda Jalol Boltayev “Data” xalqaro maktabida faoliyat olib boradi, shuningdek, “Apro” baholash loyihasining ijtimoiy fanlar koordinatori va testologi hisoblanadi.
🔹 Xorazmda shunday malakali va ilmga asoslangan yondashuvga ega mutaxassislar faoliyat yuritayotgani – bu biz uchun katta quvonch va iftixordir.
Hurmat bilan
Tursunbek Nurmetov
Xorazm viloyati Maktabgacha va maktab ta’limi boshqarmasi boshlig‘i o‘rinbosari
@T_Nurmetov
