tgoop.com/Xaled_Avyndar/61
Create:
Last Update:
Last Update:
پێشکەشە بە ھەڵاڵە ئیسماعیلی ، لە ھەر کوێی سەر ئەم گۆ خڕەی زەوی بێ ...
گوڵی بۆنخۆشی جوانی من ، ھەڵاڵە
کەسی مامی، کچۆڵەی چاو کەژاڵە :
لەمێژە لێم نەدیوی، دەردی دووریت
کزی کردووم، ھەموو رۆژم بە ساڵە ؛
لە ئاسمانی تەماوی ژینی پڕ سۆم
خەمی تۆشم لەسەر سەر بوون گەواڵە.
دەمێکە چارەنووسی شوومی بەد فەڕ
دەکا بۆم تیر لە دوای تیرێ حەواڵە
لە لایەک سوورەگوڵ پەڕپەڕ دەکا لێم
لە لایێکی دەبینم دڵ بەتاڵە؛
بەگوڕ دەمبا بەرەو ھەڵدێری پڕ سام
لەسەر رێگام ھەزاران داوە، چاڵە.
گەلێک دژوارە دەردی دابڕانێ:
درۆ داڵدەی دزێوی بێ کەماڵە ! :
لە تاوی تۆ و جەفای ئەو بێ وەفایەی
بڕا قەلبی « ئەویندار» یم بە ناڵە.
ـــــــــــــــــــــــــــــــــــــ
شاعیر: خالید ئەویندار.
١٣٦٦/٢/١٨
یەکەمجارە بڵاوی دەکەمەوە
@Xaled_Avyndar
BY خالید ئەویندار
Share with your friend now:
tgoop.com/Xaled_Avyndar/61