لو كان يحبك فعلا لما تغيّب عن لقياك بحجة وباء الكورونا والحظر المنزلي ، لذا يا عزيزتي صدقي انه لا يحبك ، الذي يحب بصدق لا يبالي حتى وان ذُهقت روحه في سبيل ان يكحل عينيه بنظرة واحدة إلي وجه محبوبته الجميلة.

معاً لفركشة العلاقات
#زول_حاسد 🤪
اقصد
#زول_بشخبط

كونوا حلومر...
اي حاجة لمن تكتر منها بتمسخ...ما تكون متاح في اللقاءت المامهمة...ماتدي كل حاجة عندك للاخر حتى نفادها...كونوا اذكياء خصوصا في العلاقات العاطفية...ماتكون دائما انت البتسأل طوالي من شخص قريب لي قلبك ...ادي فرصة هو كمان يسأل منك...في ناس عايزين اللحظات الحلوة بس لكن لمن تجي المرة طوالي بينسحبو منك عشان كدة ماتدي ذبدتك لي اي زول ما لم تتأكد انو لمن يشيل الوش الفوقاني برضو ح يستمر معاك...ومافي حاجة طوالي دائما بتستمر حلوة اي حاجة في الحياة دي فيها حلو و مر والقليل من الناس بتستحمل المر عشان خاطر الحلو...عشان كدة كونو حلومر وآبري ذاتو عشان تستمر حياتكم حلوة وسعيدة.

#زول_بشخبط
نزار عثمان هاشم

مصائب قوم عند قوم فوائد ...وباء الكورونا قد يكون فرصة لاي شخص ناوي يتزوج وظروفوا ما مساعداهو لا سباب كتيرة خصوصا لمن يكون الطرفين واسرهم على قدر من الوعي بس المهم يكونوا قريبين من بعض في نفس الحي او في نفس المدينة وحتى لو في نفس الولاية بتتجازف ...الحفلة وكل المظاهر الاخرى تذهب وتبقي علاقة حبكم ورابط الزواج المقدس وحبكم وعشرتكم ومودتكم.
عارفين الظروف صعبة وكتيرين بحبو وجادين بس الظروف ما مساعداهم عشان كدة الناس تغتنم الفرصة ...قولي ليهو تعال ...وابقى لي حلال وربك يستر الحال...حولو المصائب ٳلى فوائد حفظنا الله واياكم.

#زول_بشخبط

رفقائي هم كل الذين إلتقي بهمُ لكن عندما نفترق لا أحدا
لارغبة لي بخلُ يلازمني ومن ثم أجده قد غاب وأبتعدا
أحتاج لروح انثى توانس روحي كموانسة الفراشات للزهر والوردا
أسعد برفقتها ودومًا تلازمني كملازمة البرق للمزن والرعدا
واودع الحزن ومر البعد وحنظلهِ وبقُربها أتذوق الشهدا
ونكون توأمان وأن كان كل واحد مِنا من رحم أخر ولدا
تُؤِثر سعادتي على سعادتها ويسعدها قلبي وان كان للسعادة ما وجدا
وأن تعذر تحقيق ما اصبو له وغدا مستحيلًا لا يتحقق ابدا
تكفيني وحدتي والفيس والواتساب والكُتب وما فيها من سردا

#زول_بشخبط
نزار عثمان هاشم

الوضع اصبح خطير اليوم تم الاعلان عن 10اصابات بفيروس كورونا في اقل من 24 ساعة ...انتقل الفيروس في السودان إلى مرحلة العدوى عشان كدة لازم تعملو حسابكم خصوصا انتو يا ناس المدن لانو المدن مازي القرى في القرى بعرفوا الجاء من السفر والجاء القرية غريب وجاء من وين اما في المدينة مافي كلام زي دا ...صحتكم وسلامتكم بالدنيا خليكم واعيين ووعوا غيركم والتزموا بالارشادات الصحية وخليكم في البيت.

ربنا يحفظنا ويحفظكم جمعا
#كورونا_السودان
#زول_بشخبط

تعالي نبقي شخصين في شخص واحد
رايك شنو؟
ونبوح لعبضنا بحبنا ونخلي سر في مكان اعترافنا ندفنو
رايك شنو؟
وحبي في قلبك تسجني وانا ذاتي حبك في قلبي اسجنو
ولا تسأليني ولا اسألك وتقولي لي الحبو اكتر عن التاني منو؟
رايك شنو؟

رأيك شنو يا فتاة خيالي 😔
#زول_بشخبط
نزار عثمان هاشم

قصة وعبرة

رفضت الذي تقدم لها لانها تحب احدهم

تزوجت الذي تحب لكنها تمنت لو انها لم تزوج به

وتمنت لو انها لم ترفض الاول الذي تقدم لها.

الحب وحده لا يكفي لجعل حياتكم الزوجية سعيدة

ولا الندم سوف يغير من واقعكم الذي كنتم سببا في صناعته

لا تخدعكم فقاعة الحب التي سرعان ما تنفقع امام نسمة هواء ساخنة انظرو للاخر بعين أخرى غير عين الحب فعين الحب عمياء لا ترى فيه إلا كل جميل ومميز.

#زول_بشخبط
نزار عثمان هاشم

أحبك هاتفي
❤
جميعهم اتسغلو وباء الكورونا للجلوس مع زوجاتهم واولادهم واحبتهم إلا انا جالس معك انت.. لكن اتعرف يا هاتفي العزيز غدا عندما يرفع الله البلاء سيعودن إلى انشغالهم وينسونهم كما كانوا يفعلون من قبل.

ـ هاتفي العزيز
ـ نعم
ـ احبك وفي كل الاوقات سوف اكون معك حتى بعد القضاء على الكورونا
ـ❤️


#زول_بشخبط
نزار عثمان هاشم

إنني كشمّعةٌ تِحّترق في ليلةً مُقمِرةَ فِي غُرفةٍ ذات أضاءةً ساطعة.
لا معنى لإحتراقها.

#زول_بشخبط
نزار عثمان هاشم

عندما تجتمع الوحدة مع الفراغ ستجتمع انت مع الملل.

#زول_بشخبط
نزار عثمان هاشم