tgoop.com/aArshed/3016
Last Update:
لسان حال السيدة زينب تخاطب الامام المهدي عليهم السلام
محرم ١٤٤٦ ه. _٢٠٢٤م
اه يبني. اه يبني
ثار حسين انريده
اه يبني اه يبني
ذبحو يبني اوريده
_______
يالمهدي جاوب عمتك
حالتها كلش صعبه
بعاشر محرم هالارض
بدم الولي متخضبه
وانه بغيابك يا لمهدي
وي شيعتك متعذبه
يالمهدي واسي دمعتي
شفت الجثة المتسلبه
اه يبني اه يبني
جيش الكفر بيدة
اه يبني اه يبني
ثار حسين انريده
_______
يالمهدي نار بكربله
كل لحضه تسعر بينه
خلصو اهلك بالذبح
وحسينك الله يعينه
وموادعهم ما ينحمل
ولوعت سبي حسينة
صابو كفيلي. بالعمد
ويلي اكطعو جفينه
اه يبني اه يتني
سيفك وين ارعيدة
اه يبني اه يبني
ثار حسين انريده
_______
عبدالله صاباه السهم
يكسر الخاطر شفته
عطشان وبحر الشمس
نبل العدة فاجعته
ومصابه لا ما ينحمل
بعد زغير ودعتة
يالمهديو تكسر بالكلب
حالة الطفله اخته
اه يبني اه يبني
تارس دمه البيدة
اه يبني اه يبني
ثار حسين انريده
_______
احجيلك ابيوم اهدعش
خيميتي شبوها بنار
وازغار اخوية بالفله
متحضره السبي الكفار
انظر رقية بيا وضع
تتلفت ايمين ايسار
ياعمة وينه والدي
تسألني وكلبي محتار
اه يبني اه يبني
ضلت رقيه اوحيدة
اه يبني اه يبني
ثار حسين انريده
_______
دمعاتك تنزل من دمه
من تتذكر حسينك
يعينك الباري عالجرة
اشلون اتكضي سنينك
يالمهدي منتظرة تجي
بيا ديرة كلي وينك
ثار الزهرة وثار السبط
يمتى تجيبة ايمينك
اه يبني اه يبني
موقف حيدر عيدة
اه يبني اه يبني
ثار حسين انريده
_______
الشاعر _ابو منتظر الموالي
BY قناة الرادود والشاعر الحسيني ابو منتظر الموالي
Share with your friend now:
tgoop.com/aArshed/3016