tgoop.com/a_xaitov/15137
Last Update:
☑️ Фермер ва деҳқонларга қаратилаётган эътибор – озиқ-овқат хавфсизлигини таъминлашда муҳим аҳамият касб этади
Давлатимиз раҳбари озиқ-овқат хавфсизлигини таъминлаш, пахта ва ғалла ҳосилдорлигини ошириш бўйича таклифлар тақдимоти билан танишди. Унда мен ҳам қатнашдим.
Тақдимотда Президентимиз яқинда бўлиб ўтган парламент мажлисидаги нутқида аҳоли сони кўпайиб бораётган ҳозирги шароитда озиқ-овқат хавфсизлигини таъминлаш энг долзарб вазифа эканини таъкидлади.
Тақдимотда таъкидланганидек, келгуси йил 4 миллион 800 минг гектарда экинлар етиштириш мўлжалланган. Шундан 2 миллион гектардан зиёд ерда мева-сабзавот, картошка, дуккакли ва полиз маҳсулотлари экилади. Уларнинг далаларда жойлаштирилиши ва ҳосилнинг захирага жамланиши мониторинг қилиб борилади. Хусусан, аҳолига бирламчи зарур бўлган 10 турдаги асосий озиқ-овқат маҳсулотларининг тизимли ҳисоб-китоби юритилади. Бунда ҳар бир туман кесимида қандай маҳсулот етиштирилиши ва ички бозор учун қанча захира қилиниши мужассам бўлади.
Озиқ-овқат хавфсизлигини таъминлаш мақсадида фермер ва деҳқонларга имтиёз бериш ЎзЛиДеПнинг устувор вазифаларидан саналади. Жумладан, партиямиз келгуси 5 йилда органик маҳсулот етиштираётган фермер хўжаликлари учун солиқ имтиёзларини жорий этиш, уларга имтиёзли кредитлар ажратиш ва кредитларнинг қайтариш муддатларини мавсумийликдан келиб чиққан ҳолда белгилашни бош мақсади, деб билади. Шу боис деҳқон ва фермерларга қаратилаётган эътиборни ҳар томонлама қўллаб-қувватлаймиз.
@a_xaitov
BY Aktam XAITOV | rasmiy kanal
Share with your friend now:
tgoop.com/a_xaitov/15137