tgoop.com/a_xaitov/15138
Last Update:
☑️ Озиқ-овқат хавфсизлигини таъминлаш борасида аниқ вазифалар белгиланди
Давлатимиз раҳбари озиқ-овқат хавфсизлигини таъминлаш, пахта ва ғалла ҳосилдорлигини ошириш бўйича таклифлар тақдимоти билан танишар экан томорқачиликни янада ривожлантириш бўйича ҳам қатор топшириқларни бердилар.
Ҳозир кунда республикамиз бўйича 500 минг гектардан ортиқ томорқа ерлари мавжуд. Ушбу томорқалардан 2-3 мартагача ҳосил олиш йўлга қўйилган. Бу борада натижадорликни янада ошириш борасида аниқ вазифалар белгилаб берилди.
Томорқабоп бўлган яъни сердаромадли экин турларини кўпайтириш, бунда нафақат ички бозорбоп балки, экспортга йўналтирилган маҳсулотлар сонини ошириш муҳимлиги айтиб ўтилди.
Бугунги кунда томорқа ўз оиласини боқиш билан биргаликда бозорлар тўкинлигини ҳам таъминлайди. Шунингдек, узум, мевали боғларни кўпайтириш ва бу орқали даромадларини ошириш бўйича яхши тажриба бўлиб, уни янада қўллаб-қувватлаш зарурлиги таъкидланди.
Бундан ташқари эртаки ва тўқсонбости, сердаромадли экинларни экиш ва бу орқали бозорлар нарх-наво барқарорлигини таъминлаш бўйича ҳам аниқ топшириқлар белгилаб берилди.
Яна бир муҳим катта йўналиш томорқа инфратузилмасини ривожлантириш, сара уруғларни етказиб бериш, бу орқали ўқувлар, семинарлар ташкил қилишга эътибор қаратилади. Мақсадимиз аҳолимиз давромадларини ошириш, бозорлар тўкинлигини таъминлашдан иборат.
Ушбу масалалар бўйича ўзимизнинг аниқ чора-тадбирларимиз ва таклифларимизни ишлаб чиқамиз.
@a_xaitov
BY Aktam XAITOV | rasmiy kanal
Share with your friend now:
tgoop.com/a_xaitov/15138