tgoop.com/adela313/5607
Last Update:
عالكاظم ادموع المحب صارت جمر
يبچي الغيابه اوينتحب طول العمر
يذكر مصايب سجنه..لجله يصيح ابونه
آيامسموم..آيامسموم
---
بالسجن ابن الزچيه..عينه ماشافت صُبح
امگيدنه بالسلاسل.. زايد اعليْه الجرح
اشلون مايرتاح لحظه.. القسوه معقوله تصح
خلو العدوان جسمه..چنه مطعون ابرمح
بمصابه محتاره تظل كل العقول
موكافي خده ينسطر مثل البتول
كلمن ترى ايندبنه..لجله يصيح ابونه
آيامسموم..آيامسموم
---.
مبتعد عن أهله وسفه..اوصعبه يشتم الهوا
اوليله مينامه حسافه.. امن الضرب ضلعه ألتوه
كل وكت يعطش دليله..عجبه ما لحظه ارتوى
محد اتصور عيونه ..تنحبس عن الضوا
متعذب الوالي اوعظامه امرضضه
عاللي حصل الله يعين ابنه الرضا
يظهر ملامح حزنه...لجله يصيح ابونه
آيامسموم..آيامسموم
---
ينحبس چم مره واصبح..بيته الثاني الحبِس
لجله ينعى الكون كله .. اوتبچي لغيابه الشمِس
جسمه ذابل،والمصيبه.. يشمت اعليْه الرجِس
مااختلف وضعه ولينه..يومه يتشابه بَمِس
إيد اللي ضربت شخصه ضربت عمته
نفس التشابه والصور بمصيبته
گيده يسولف عنه.. .لجله يصيح ابونه
آيامسموم..آيامسموم
---
نزفت اوياه السلاسل..حتى تسبيحه نزف
حجة الله اعله البرايا.. لونه چم مره انخطف
كل نهاره ايصوم حسره.. الحاله ماواحد رأف
والعدا دست له السم.. والنبض منه وگف
صارت نوايح والعرش لجله انهدم
وابجنحه جبريل المَلَك گوه لطم
ابكل حسرته ايشيعنه..لجله يصيح ابونه
آيامسموم..آيامسموم
---
عالجسر من حطو نعشه..ضجت الشيعه ابنحيب
واجا ابن اسويد يبچي.. اوجايب اوياه الطبيب
گله متسمم إمامك .. منظره وشگد عجيب
مادرى عن أهله غايب..مثل اجداده غريب
عمره انختم جرح اوعذاب اونايبه
اوبغداد اهلها بالمجالس تندبه
واتعنى ابنه ايدفنه..لجله يصيح ابونه
آيامسموم..آيامسموم
---
عادل العبد الله
23/2/2022
رحم الله من قرأ سورة الفاتحة واهداها لروح الوالدة آمنه العبد الله
https://www.tgoop.com/adela313
BY الشاعر عادل العبد الله
Share with your friend now:
tgoop.com/adela313/5607