tgoop.com/adela313/5612
Last Update:
على الكاظم تنوح الجعفريه
وتواسي فاطمه الزهره الزچيه
* * *
على الكاظم تنوح ابدمع لعيون
وأصبح كل گلب من أجله محزون
غصص شاهدها وسفه ابذيچ لسجون
يا ويلي اوگضه ابسم المنيه
* * *
انمرد چبد الإمام ابسم لوغاد
وشالوا اجنازته من جسر بغداد
وصبح زلزال نعشه ابن لمجاد
ويهز حكم الطغاة الجاهليه
* * *
ابگيد وسلسله متحمل الآه
موسى الكاظم احنا حاشا ننساه
ركضت شيعته وصاحت أويلاه
ليش أعله الجسر جثته رميه
* * *
وين أهله اويشوفون الجرى له
ابن جعفر أويلي شلون حاله
العـالم على امصــابه بچـــاله
وبچت لجله السموات العليّه
* * *
مولانه الصبر أبرز صفاته
وابوسط السجن خِلصت حياته
وشاعو بالخبر قصة مماته
وسف واشگد تحمل من أذيه
* * *
لجله ننصب الليله عزانه
وعليه انصيح وخل تشهد عدانه
لطمنا وأمه الزهره معانه
تنادي ابحسره والونه خفيه
* * *
صحنا والدمع منا تحدّر
ابهيبه اندفن موسى ابن جعفر
لاچن جده احسين أبو الأكبر
بگه مرمي على حر الوطيه
* * *
عادل العبد الله
من ارشيف 1433
https://www.tgoop.com/adela313
رحم الله من قرأ سورة الفاتحة واهداها لروح الوالدة آمنه العبد الله
BY الشاعر عادل العبد الله
Share with your friend now:
tgoop.com/adela313/5612