tgoop.com/adela313/5617
Last Update:
نور ابواليمه تجلى ..اوكل ملك عالهادي صلى
واتزينت ارض او سمه ..وانبارك احنه الفاطمه
ابنور ابواليمه..ابنور ابواليمه..
---
ياهلا رددنا ..انولد قائدنا..تاج المعالي
نفرح اباعياده..نحيي هم ميلاده..ابهاي الليالي
ابكل حفل لبينه..اوذكره بس يحيينه..فخر الموالي
جنه حبه الطاهر ..امن الازل للآخر.. نوره يلالي
بالگلب مرسوم اسمه..اوحبه من الباري نعمه
وارث علي حامي الحمه..وانبارك احنه الفاطمه
ابنور ابواليمه..ابنور ابواليمه..
---
نبتسم بالمولد..بالتوجه نگصد..للغاضريه
نقرا كلنه احروفه ..والضريح انطوفه..صبح اومسيه
مايهمنا اللايم..ايهمنا نرضي فاطم..أم الشفيه
هوّه يدري بينه..ابصورته انجنينه..يبگه الهويه
هيبته هيبة محمد..اوللأبد ذكره تخلد
بسمه الخلايگ هايمه..وانبارك احنه الفاطمه
ابنور ابواليمه..ابنور ابواليمه..
---
امحبته امن الفطره.. تبگه اعظم ثمره..بيها كرامات
منه شفنه الرحمه..اوبينا خله البسمه..ابكل المسرات
للمحاسن جامع..للمحبه صانع..بيدينه لآيات
التاهت ايدليها..طبعه ميخليها..لن هوّه مَنجاة
هوّه للأرواح سلوه..ابنوره كل الكون ضوه
ابذكره الملايك باسمه.. وانبارك احنه الفاطمه
ابنور ابواليمه..ابنور ابواليمه..
---
انقدسه بوصافه..اونعتقد بلطافه..من عالم الذر
منهجه قرآني..مانبدله ابثاني..ظل حبه يكبر
احروفه بس تروينه..اوللأبد يكفينه..وابفضله نفخر
ذكره دايم يحله ..ماكو واحد مثله..كل ذاته جوهر
ياعسى بالغاضريه ..نجتمع يمه سويه
اوعند الضريح انعظمَه..وانبارك احنه الفاطمه
ابنور ابواليمه..ابنور ابواليمه..
---
عادل العبد الله
11/2/2024
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313
BY الشاعر عادل العبد الله
Share with your friend now:
tgoop.com/adela313/5617