tgoop.com/adela313/5618
Last Update:
شعبان الفرح ضوه ليالينه
---
بدايات الفرح مولد ابوالأكبر
بي ثغر الموالي الجيّته استبشر
ويهني الرسول اوفاطمه اوحيدر
اومن أجله يعلگ بالحفل زينه
---
حگنه نبتهج ياشيعه وانواصل
الفرح مايكتمل الا ببوفاضل
گمر وجهه اوشجاعة حيدره حامل
اذا طحنا ابشدايد هوّه ينجينه
---
معروف الفرح عدنه ترى ينعاد
اويزداد الفرح في مولد السجاد
اودايم ينشرح من نذكره لفاد
اوكل مره الولي من خيره ينطينه
---
في يوم احدعش كل الملا تسعد
لأن بيْه انولد شبه النبي أحمد
علي الأكبر جماله مانقيسه ابحد
جامع كل صفه من علي والينه
---
وابأربعطش بيْه انولد جاسم
سليل المجبتى لجله المحب هايم
وابيوم احتفاله كل ثغر باسم
كريم او.بن كريم ابخيره يوفينه
---
وابنص الشهر مولود منقذنه
غايب بس لچن هوّه اللي يلهمنه
على نهجه ربينه ابكل مشاعرنه
اوندعي يامتى يلفينه مهدينه
---
ننادي بالفرح الشيعه مسرورين
وابسابع عشر مولوده بنت احسين
واحنه ابهالولاده نفتخر كل حين
رقيه نورت والرحمه تلفينه
---
عادل العبد الله
12/2/2024
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313
BY الشاعر عادل العبد الله
Share with your friend now:
tgoop.com/adela313/5618