tgoop.com/adela313/5619
Last Update:
جِنْحاتك يافطرس..خليها سجاده
لجل الولي احسينك ..صلي في ميلاده
گله ترى يحسين..ليك الملا امعيدين
يحسين.. يحسين
---
صلي اعله مهده دوم ..واتعنى داره
اوگله الملا بالشوگ ..تبدي البشاره
لفت ورد والياس..گصد الزياره
كلها اعله باب احسين ..تتمنى چاره
ابهالليله لا تنسى ..سجلها زواره
خليها فرحانه..لاتبگه محتاره
اونادي يضي العين..ليك الملا امعيدين
يحسين.. يحسين
---
يافطرس ابهاليوم.. شوف المحافل
بيها التود احسين..تسمع فضايل
تتبسم ابذكراه ..رغم العواذل
بالمعتقد وياه ..تمشي اوتناضل
كل شاعر ابفضله..ينشد مواويله
هنياله من يحضر..في محفله الليله
اهتف يسر الدين..ليك الملا امعيدين
يحسين.. يحسين
---
تدري شهر شعبان..من حگه يفخر
چنه ابفرح صاح .. مولايّه أزهر
اهلا ببوالسجاد.. مستانس اكثر
جايب معاني الطِيب..من عوده حيدر
ريحانة الهادي.. افضاله معروفه
كلها قُدس وآيات ..وامعظمه احروفه
صيح ابصدى التلحين..ليك الملا امعيدين
يحسين.. يحسين
---
انته عتيق احسين.. خادم تُربتَه
هوّه التشفع بيك..اوفزت ابمحبْتَه
هنيالك انته زود .. شفته اوحضنتَه
اولآخر نفس تهواه ..تمشي الحضرته
طلبه لبواليمه..تذكر اسامينا
واتگله حد الموت..غيره فلااهوينا
گله يبوالطيبين..ليك الملا امعيدين
يحسين.. يحسين
---
عادل العبد الله
15/3/2021
https://www.tgoop.com/adela313
رحم الله من قرأ سورة الفاتحة واهداها لروح الوالدة آمنه العبد الله
BY الشاعر عادل العبد الله
Share with your friend now:
tgoop.com/adela313/5619