tgoop.com/adela313/5623
Last Update:
*انوارك زهيه ..ياشبل الزچيه*
*حُسين حُسين ..حُسين حُسين*
---
هل نورك..واعطورك..صارت تشمها يالولي كل البشر
معشوگي..بعروگي.. ابكل دگه تنبض بيها من حرفك أثر
وجه الكون..ظل مفتون..بسمك يمولايه يشع بحلى صور
يلمجدك ..من جدك..تشبه إله ياسيدي اوكلك فخر
*يا اعظم هديه..ياشبل الزچيه*
*حُسين حُسين ..حُسين حُسين*
---
دنيانه ..فرحانه..ابيوم الولاده بوعلي صار الأمل
اوكل واحد..يلقائد..ويّه اللي يقرا سيرتك هسه احتفل
معروفك..بچفوفك..خيرك يغذي اللي سأل والماسأل
انفاسك..واحساسك..منبع قداسه ابحكمتك كلشي اعتدل
*چفينك نديه..ياشبل الزچيه*
*حُسين حُسين ..حُسين حُسين*
---
جبريلك..ايناغيلك..اوفطرس من اجناحه يهز ليك المهد
والزهره ..مستره..وياها طاها اوحيدره ابوجه السعد
تدريني..يحسيني..بسمك اجدد للأبد هذا العهد
ماعوفك..بحروفك.. اطلب من الله ابجاهك احسين المدد
*عهدي للمنيه..ياشبل الزچيه*
*حُسين حُسين ..حُسين حُسين*
---
كل خادم ..ظل هايم..وابذكرك ايرتل مواويل الفرح
ماكو اهموم ..ابهذا اليوم.. كلمن يحبك سيدي گلبه انشرح
عالموعِد ..ما ابعِد..لن عطرك ابكل الحفل ادري نفح
بعيادك..وفادك.. كِلها تجيلك والـ يجي جَنْتَك ربح
*منك كل عطيه..ياشبل الزچيه*
*حُسين حُسين ..حُسين حُسين*
---
ابكل محفل ..أتوسل..وادري تظل يبن النبي باب الكرم
مو خايب..كل طالب..ابچفك يبواليمه تغذيه ابنِعم
يلغالي..تحلالي..تبگه الحقيقه الواضحه اوغيرك وهم
حبيتك ..واهويتك..ابدونك اعيشن تايه ابصحرا العدم
*يا أصل الهويه..ياشبل الزچيه*
*حُسين حُسين ..حُسين حُسين*
---
عادل العبد الله
22/2/2023
https://www.tgoop.com/adela313
رحم الله من قرأ سورة الفاتحة واهداها لروح الوالدة *آمنه العبد الله*
والشاعر *حسين العبدالله*
BY الشاعر عادل العبد الله
Share with your friend now:
tgoop.com/adela313/5623