tgoop.com/adela313/5625
Last Update:
عباس عباس..سبع الگنطره
مولود هاليوم..وارث حيدره
---
نتفاخر ابكل ديره..عباس عباس
وانادي يابوالغيره..عباس عباس
نعجز ترى ابتفسيره..عباس عباس
في وصفه صرنا ابحيره ..عباس عباس
معروف ابوالجود.. كله مفخره
مولود هاليوم..وارث حيدره
---
مسروره كل الوادم ..عباس عباس
اومنها الثغر ظل باسم..عباس عباس
يبگه فرحها دايم..عباس عباس
رغما على كل لايم..عباس عباس
الناس بسمه..تظل مستبشره
مولود هاليوم..وارث حيدره
---
انّادي بالمعموره..عباس عباس
حين التشعشع نوره..عباس عباس
زينب غدت مسروره..عباس عباس
منه تفوح اعطوره..عباس عباس
انرتل حروفه..اشمحلى منظره
مولود هاليوم..وارث حيدره
---
حيدر علي واولاده..عباس عباس
تتبارك ابميلاده..عباس عباس
اوصارت تهز بمهاده..عباس عباس
يبگه گمر للساده..عباس عباس
بين الملايين ..يبگه جوهره
مولود هاليوم..وارث حيدره
---
انسأله ربنا الليله ..عباس عباس
ابجاهه كفيل العيله..عباس عباس
كل هم علينه ايشيله..عباس عباس
اونترجى بس نوفي له..عباس عباس
هوّه الوسيله..دنيا وآخره
مولود هاليوم..وارث حيدره
---
14/2/2024
https://www.tgoop.com/adela313
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
BY الشاعر عادل العبد الله
Share with your friend now:
tgoop.com/adela313/5625