tgoop.com/akhmedkhodjaeva_uzb_lawyer/106
Last Update:
📢 Ортиқча эгалланган ер участкасига ҳуқуқни эътироф этиш
📗 Ўзбекистон Республикасининг ўзбошимчалик билан эгалланган ер участкалари тўғрисидаги янги Қонуни бўйича таҳлилни давом эттирамиз. Бугунги мавзу – ортиқча эгалланган ер участкаларига бўлган ҳуқуқни эътироф этиш. Ушбу модда доирасига участка ҳуқуқини тасдиқловчи ҳужжатларда кўрсатилган майдондан ортиқча эгалланган ер участкалари киритилади..
✅ Ортиқча эгалланган ер участкасига ижара ҳуқуқини ва қурилган биноларга мулк ҳуқуқини эътироф этиш учун қуйидаги талаблар бажарилиши лозим:
1️⃣ Ортиқча эгалланган ер участкаси қонуний ажратилган ерга туташ бўлиши керак
2️⃣ Умумий майдон (ажратилган + ортиқча эгалланган) қуйидаги нормаларга мувофиқ бўлиши керак:
I) агар ер участкаси 1998 йил 1 июлга қадар эгалланган бўлса, — барча ҳудудларда 0,24 гектардан кўп бўлмаган ўлчамда;
II) агар ер участкаси 1998 йил 1 июлдан 2018 йил 1 майга қадар эгалланган бўлса,
- Тошкент, Нукус шаҳарларида ва вилоят марказларида 0,06 гектардан;
-қолган ҳудудларда 0,12 гектардан кўп бўлмаган ўлчамда
3️⃣ Ер участкаси аввал бошқа шахсларга ажратилмаган бўлиши керак
4️⃣ Ер участкаси электрон онлайн-аукционга чиқарилмаган бўлиши керак
5️⃣ Ер участкаси фойдаланиш бўйича низо мавжуд бўлмаслиги керак
6️⃣Ер ва мулк солиқлари бўйича қарздорлик мавжуд бўлмаслиги керак
❗️ Муҳим: ортиқча эгаллаш 2018 йил 1 майгача амалга оширилган бўлиши керак.
#ер_амнистияси
BY Адвокат Ахмедходжаева Лайло ўзб
Share with your friend now:
tgoop.com/akhmedkhodjaeva_uzb_lawyer/106