tgoop.com/alshaherh/1868
Create:
Last Update:
Last Update:
نعي للسيدة العليلة محرم 1446
------------------------------------------
رايح ابوي أبعيد رايح
گمت أسال بدمع النوايح
ينفع وره المجفين صايح ؟
طايح يگلبي الليله طايح
ونيت اريد اوجوه الاحنان
فارغ البيت يريد وليان
يا گلبي عيش شلون ما چان
ساعه العمر والنوب خلصان
هذا الدهر هاي المصيبه
بالدار واتسمى الغريبه
الرباني هسه منين اجيبه
گلبي اليون فارگ حبيبه
ليهسه بذني اصوات الاحباب
ظليت أون ومگابله الباب
من الفرگه چني چفوف شياب
يا ضيمي گعد حدر التراب
يلفون ما يلفون حيره
بالبيت بس حال الاسيره
ديرة هلي ما چنهه ديره
ظلمه ونواعيهه چثيره
كلمات الخادم / رعد الفريجي
محرم الحرام 1446
BY خادم الحسين رعد الفريجي
Share with your friend now:
tgoop.com/alshaherh/1868