والمشكله التفاصيل
قد ايه ف حاجات بسيطة ومركبه
صوتها القديم اللي حافر منطقه فالروح
ريحة بنفسج فالشتا هي
كل البنات هي وهي البنات كلهم
وانت اللي بتروحلهم مبيطلعوش هي !

طب اي يا عم الشتا تحت عيني اتهرى من كتر ما حنيت

فكرت فيها ضحكت
ضحكت فجأة بكيت

لية الشوارع كلهم قاصدين يفكروني باللي مش فاضلين ؟

ولو كل اللي عارفينك قالولك اني خاب أملي
ولو كل الظروف حالفين تفارقيني
وحشتيني !💔

وان حياتي ناقصاكي وقلبي سابني ومعاكي !

لكن مهما هشوف وهطوف ومهما قابلت ناس وظروف
هتبقي لوحدك القشه اللي جت علشان تنجيني !

خصامنا مهما كان حاصل مكنش ف بالي يقلب جد !

بسكت واما قلبي يقول
يقول فينك !

ياريت كل اللي عارفينك قالولك اني بيكي بعيش
ياريت كل اللي عارفني سابوني ل شكي ويقيني

تقابليني
عشان محتاج اقابلك موت
في عندي حوالي ولا موضوع
أحب أفتح كلام فيهم

تقابليني
وأبص ف عينك أستشهد
يا مزيكا بتتنهد
شموسك كيف بتتجدد
وضلك طيف مغطيني

وكل م اراجع الأيام ترّوح دمعتي ل عيني

وكل م أقلب التفاصيل تزيد سنوات على سنيني

بمشي لحد ما بنسى إني وصلت

بفتكرك إذا بصيت بالليل من الشباك وأقول هتفوت
ياخدني بعدها سرحان يرد سكوت
حبيبك كل يوم بيموت لكن واقف على رجليه

ومستني الزمن يصفى
وبرد الأمنيات يدفى
وتنسي الدنيا وتجيلي

بقيتي نشيدي وحكايتي
وصمتي وصوتي ومرايتي
بقيتي بدايتي ونهايتي
ومعجزتي اللي جيت بيها

جدع زيي مخبي الدنيا ف جيوبه
لكن اشواقه ليكي تبان ومش عارف يخبيها

لا عشت معاها يا قلبي ولا لك نبض بعديها