tgoop.com/ar1bi/2040
Last Update:
سەبارەت بە " دابة الارض " ئەوا لە قورئاندا ئاماژەیەکی یەکجار پوختی بۆکراوە و گوفتارێکی یەکجار کورتیش بە زمانی حاڵی ئەو باسکراوە .
بەڵام ئێستا بەوێنەی مەسەلەکانی تر قەناعەتی تەواوەتی و زانیاریەکی دوور و درێژ و بێگومانم لەبارەوە نیە لەگەڵ ئەوەشدا "والله اعلم" دەتوانم بڵێم :
هەروەک خوای گەورە ئافاتی ئەسپێ و کوللەی بەسەر قەومی فیرعەوندا و باڵندەی ئەبابیلیشی بەسەر سوپاکەی ئەبرەهەدا زاڵ کرد کە هاتبون کەعبەی پیرۆز بڕوخێنن بەهەمان جۆر ئەوکەسانەی کە بە ویست و ملکەچی و زانین و ئاگاداریی خۆیان شوێن فیتنەی سوفیانی و دەجالەکان دەکەون و لە سەرپێچی و فەساد و ستەم و لە ڕێترازاندا ڕۆدەچن و بە هاندەری ئەو تیرۆر و ئاژاوەیەی کەیەئجوج و مەئجوج بڵاوی دەکەنەوە بۆ ناو کوفر و ئیلحاد و ناشکوری وەحشی گەری و غەدرکاری بەردەبنەوە ئەوانە لەبەر حیکمەتێکی پەروەردگارو بۆ هێنانەوەبەری ژیریان لە زەویەوە زیندەوەرێکیان بۆ دێتە دەرەوە کە زاڵ دەکرێ بەسەریاندا و بە تەواوەتە تەفروتونایان دەکات (ئەو "دابەیە" - " واللە و اعلم " جۆرە (نوع)ە نەک تاک فرد چونکە گەر " تاک "و یەکدانە زیندەوەری یەکجار گەورەبێت ئەوا ناگاتە هەموو کەسێک لە هەمووشوێنێکدا کەواتە جۆر و تیرەیەک ترسناکی زیندەوەرانە و لەوانەیە وەک ئەو مۆانەیە وابێت کە تەختەدار دەقرتێنێت و دەیخوات وەک ئەم ئایەتە پیرۆزە ئەماژەی پێدەکات "إِلَّا دَابَّةُ الْأَرْضِ تَأْكُلُ مِنسَأَتَهُ" جا ئەم زیندەوەرەش بەوێنەی ئەو مۆرانەی تەختەیەیە کە ئێسکی مرۆڤ دەقرتێنێت ولە ناوەوە کلۆری دەکات و لە هەموو بەشەکانی جەستەی مرۆڤدا هەر لە دانەکانیەوە تا دەگاتە نینۆکەکانی جێی خۆی دەکاتەوە ئەم ئایەتە پیرۆزە ئەو " دابە" یە لە بارەی ئیمانەوە دەخاتە گوفتار و ئاماژە دەکات کە ئیمانداران بە هۆی بەرەکەتی ئیمانەکەیان و دوورەپەرێزیان لە هەرزەیی و هەڵەخەرجی و ئیسراف بەدڕەوشتی ڕزگاریان دەبێت لێی.
"ربّنا لا تؤاخذنا إن نسينا أو أخطأنا"
"سبحانك لا علم لنا إلا ما علمتنا إنك أنت العليم الحكيم"
☀بەدیعوززەمان فەردی زەمان(سەعیدے نوورسے)
#پەیامەکانی_نوور
#تیشکەکان - لاپەڕە/۱٥۲
BY زمانی عەرەبی لەگەڵ م:عماد احمد ولی
Share with your friend now:
tgoop.com/ar1bi/2040