tgoop.com/aymwc/2687
Create:
Last Update:
Last Update:
اليوم وصلت كربله بضعونها
زينب شغير الدمع بعيونها
**
جايتهم من سفر كله قهر
مفارگتهم صار أكثر من شهر
هيه تجري عيونها مثل المطر
وين أهلها هلبت يشوفونها
**
باالصحار گطعت دروب الألم
ركض بيها العمر چن ركضت سهم
تجري دمعتها اذا شافت علم
باالكفيل ورايته يذكرونها
**
لكربله متعنيه اجتهم زايره
چم مدينه وچم خرابه عابره
چم گبر صاح الها نرجو المعذره
على الفرگه زينب يحاچونها
**
من دمعها نگع اتراب الثره
شسوت بزينب هذيچ المگبره
ياخواني جيت اشوفنكم تره
صاحت ورادتهم يسمعونها
**
يهل گلبي تصيح صيحت فاجده
وعله گبر حسين خرت ساجده
جيت اشوفك كلشي أبد مارايده
وانه ادري الخوه انت تصونها
**
الافراگ هوايه اخذ منها عمر
مدلله وتجرعت ضيم وهجر
بكربله اخر مره يمكنها تمر
تموت برض الشام ويدفنونها
**
سعد العبودي
BY قناة الرادود علي الصالحي
Share with your friend now:
tgoop.com/aymwc/2687