tgoop.com/aymwc/2691
Last Update:
متعوبه ومتيها الدرب متعوبه
.....................................
ليا ديره اروح ويازلم تحميني
ليا خيمه اطب ونار ماتجويني
عافوني اخوتي لوحدي مخليني
عكب الكفلني غربه التماشيني
بذيج الصحاري والشمس حراگه
تمشي اعله كيف وتعبتني الناكه
.....................................
بلهيمه اضلن لو اطب لخيامي
كلهن شفتهن عطبن جدامي
وين اطي وجهي أوين اضم ايتامي
كاع الله شوچ وأنه ترفه جدامي
وي الأجانب حايره وتعبانه
بلعومي يابس وشكثر عطشانه
..................................
تانيتكم وعيوني ضلت شابحه
وراس الكفلني ماغفيت البارحه
محتاره عدمن راح اسوي الفاتحه
وأنه اعله ناگه ومدري المن رايحه
مات الحسين ومات راعي الرايه
بنص الخرايب راح اسوي قرايه
....................................
ماريد اطبها وطببوني الكوفه
مستحيه چيفن بلحبل مجتوفه
ماريد اصير بكل حلگ سالوفه
بت الرساله وبلخلگ معروفه
بحجار ضلو ياهلي يشمروني
ومن احچي چلمه بحيدر يعيروني
......................................
وين الهواشم هوسو بديارهم
ركبت حرمهم علهزل وزغارهم
حل الضلام ومالفتنه أخبارهم
عال اعله اختهم ماصبر چتالهم
من واحد الواحد افه يودوني
ماچن چبيره وكامو يعذبوني
...................................
لشام نمشي لونضل هنانه
يحسين فشله ماتروح ويانه
يتعير الما يمشي وي نسوانه
خويه اعله بختك زينبك تعبانه
متعوبه من حر الشمس والهيمه
يلكتلي اصيرلچ عبايه وخيمه
..................................
مصطفى الصالحي
من ارشيف2019
BY قناة الرادود علي الصالحي
Share with your friend now:
tgoop.com/aymwc/2691