tgoop.com/aymwc/2756
Last Update:
موشح للزهراء ع
يعينك الله ياعلي اعله مصابها
شلون يم الباب شفت خضابها
****
شلون حالك چان ياحيدر يحيد
وانته چنت اگبالها ولا مو بعيد
شفته من صوّبها بسمار الحديد
فاطمه وطاحت بعتبة بابها
**
شلون حالك ياعلي بذاك الوضع
وانته بعيونك شفت كسر الضلع
شلون ضل ياحيدر بعينك دمع
وانته من البچي عيونك ذابها
****
اشگال گلبك ياعلي بدفعة الباب
شلون بله وهجع سيفك بالگراب
شلون وتحمّلت كل ذاك العذاب
تصيح وينك ماترد جوابها
**
ياعلي الكرار ياحامي الحمه
ليش ما ردّيت گوم الظالمه
گبال عينك ينصطر خد فاطمه
وانته للشجعان لاوي ارگابها
*
باب خيبر مايشيلونه اربعين
وانته شلته ابساعدك ذاك اليمين
وهسه فاطم حشّمت وين المعين
عجب ما ردّيت ابن خطابها
****
الوادم ايسموك حماي الدخيل
والعرف قدرك نبي وربٍ جليل
ندري صابر والصبر امراً جميل
و بالوصيّه اتگيّدت وكتابها
*
خادم الزهراء ع
سيد غالب الرضوي الكربلائي
BY قناة الرادود علي الصالحي
Share with your friend now:
tgoop.com/aymwc/2756